web counter
LEXO PA REKLAMA!

SHKARKO APP

App Store
Google Play

E fundit!

x

Paratë ruse në PD/ Berisha: Auditi ka paraqitur raport serioz

27 Mars 2023, 13:12, Aktualitet CNA
Paratë ruse në PD/ Berisha: Auditi ka paraqitur raport serioz
Ish-kryeministri Sali Berisha

Ish-kryeministri Sali Berisha ka dalë në një deklaratë për mediat, ku është shprehur se auditë të pavarur kanë paraqitur raportin ndaj akuzave se PD ka pranuar financime ruse.

Berisha theksoi se raporti është i plotë dhe serioz pasi janë analizuar të gjitha veprimtaritë financiare dhe buxhetore të PD-së.

“Me të drejtë keni pritur raportin e auditit ndaj akuzave për PD-në se ka pranuar financime ruse. Ky raport tani është i plotë. Auditë të pavarur kanë paraqitur një raport serioz pasi kanë analizuar të gjithë veprimtarinë financiare, buxhetore të PD-së. Për konkluzionet zonja Ledina Mandia, kryetare e komisionit, ua paraqet juve”, tha Berisha.

Më tej Ledina Mandia, kryetarja e komisionit, deklaroi se grupi i Auditimit ishte ngarkuar për të bërë verifikimin në lidhje me përdorimin e parave ruse për lobim, akuza që janë dëgjuar në media.

“Grupi i Auditit ka filluar punën e tij duke draftuar një rregullore, duke përcaktuar dhe rregulla sa i përket mbledhjes së dokumentacionit, pasi në PD nuk kishte asnjë dokumentacion për të lehtësuar punën. Është vlerësuar dhe marrja e auditëve të pavarur ligjorë. Korrespodenca më pas ka vijuar me prokurorinë, Gjykatën e Tiranës dhe KQZ-në, të cilët kanë vendosur në dispozicion dosjet e plota dhe po ashtu dhe pasqyrat financiare e raportet përkatëse të depozituara në KQZ.

Në PD nuk ka ekzistuar një rregullore e brendshme dhe nuk ka ekzistuar një bord financiar, referuar detyrimeve statutore”, tha Mandia./ CNA.al





Lajmet e fundit nga