LEXO PA REKLAMA!

SHKARKO APP

Mblidhet Këshilli Kombëtar për Integrimin Europian/ Zbulohen pikat kyçe mbi të cilat do të diskutohet

3 Prill 2023, 08:34, Aktualitet CNA
Mblidhet Këshilli Kombëtar për Integrimin Europian/ Zbulohen
Foto ilustruese

Sot mblidhet Këshilli Kombëtar për Integrimin Europian. Mbledhja do të zhvillohet në orën 13:00, ku disa nga tematikat për të cilat do të diskutohet janë arritjet dhe sfidat e Procesit të Berlinit, Tregu i Përbashkët Rajonal, ecuria dhe sfidat e Shqipërisë në Procesin e Berlinit dhe arritjet dhe sfidat e Zyrës Rajonale për Bashkëpunim Rinor.

Pjesë e mbledhjes do të jetë Jorida Tabaku, si Kryetare e Këshillit Kombëtar të Integrimit Europian dhe Taulant Balla, Nënkryetar i Këshillit Kombëtar të Integrimit Europian.

Në këtë takim marrin pjesë dhe do të diskutojnë Majlinda Bregu, Sekretare e Përgjithshme, Këshilli për Bashkëpunimin Rajonal, Belinda Balluku, zëvendëskryeministre, njëherazi ministre e Infrastrukturës dhe Energjisë dhe Albert Hani, Sekretar i Përgjithshëm, Zyra Rajonale për Bashkëpunim Rinor.

Aktiviteti do të vazhdojë me diskutimet e anëtarëve dhe të ftuarve të KKIE.

Lajmet e fundit nga