E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

"Dumani nuk gjen dot pronarët"/ Tomorri: Inceneratori po na e tall reformën në drejtësi

2 Prill 2023, 20:59, Aktualitet CNA

"Dumani nuk gjen dot pronarët"/ Tomorri: Inceneratori po na e

Gazetari Klodian Tomorri

Gazetari Klodian Tomorri ka reaguar në lidhje me deklaratën e Implantit të Përpunimit të mbetjeve në Tiranë, i cili i ka bërë thirrje SPAK që të ndërhyjë për akuzat e ngritura nga deputetja e Partisë së Lirisë, Monika Kryemadhi lidhur me inceneratorin e Tiranës.

Kryemadhi është shprehur se Landfilli i Sharrës nuk ekziston dhe mbetjet groposen dhe nuk kryhen proceset e përpunimit.

Me anë të një postimi në rrjetet sociale, Tomorri shkruan se kreu i SPAK, Altin Dumani nuk po gjen pronarët e inceneratorëve, ndërsa njerëzit e këtyre të fundit po tallen me SPAK-un dhe reformën në drejtësi.

Tomorri thekson gjithashtu se sipas thesarit, inceneratori ka marrë nga shteti deri tani 46 milionë euro, pa përfshirë tarifat e dherave që paguajnë ndërtuesit dhe jo 32 milionë euro sa ata pretendojnë.

Postimi i plotë i Klodian Tomorrit:

Kompania e inceneratorit të Tiranës i ka bëre sot thirrje SPAK-ut që të ndërhyje menjëherë për të ndalur shantazhin dhe përndjekjen që po i bën kësaj kompanie Monika Kryemadhi dhe Partia e Lirise.

Sipas kompanisë koncesionare, ky shantazh dhe përndjekje nga ana e Opozitës dhe disa mediave, një pjesë e të cilave sulmojnë koncesionarin për interesa të caktuara, ka si qëllim ndërprerjen e punës për menaxhimin e mbi 800 ton mbetjeve në ditë, me qëllim krijimin e një kaosi mjedisor në qarkun e Tiranës dhe Durrësit.

Dumani thotë nuk gjejmë dot kush janë pronarët, këta një ditë më pas i shkruajnë letër. Tallje me rroveshate. Pra, mund të thuhet zyrtarisht se këta të inceneratorit janë të parët, që na tallen SPAKU-n dhe gjithë reformën në drejtesi.

Po prit, prit se ka dhe një perle tjeter. Deri tani thonë në deklaratë, kemi investuar 32 milionë euro në Sharrë. Sipas thesarit këta vetem nga shteti, kanë marrë deri tani 46 milionë euro, pa përfshire tarifat e dherave që paguajne ndërtuesit. Janë dhe 40 milionë euro të tjera nga tarifa e dherave dhe inerteve që kanë paguar ndërtuesit.

Pra me pak fjalë, këta nuk po investojnë asnjë qindarkë, nga leket e tyre. Përkundrazi deri tani kanë marrë vetëm nga shteti 15 milione euro me shumë se sa shifra që deklarojne vet se kanë investuar. Nëse po të përfshire dhe dherat, kanë marr? 50 e ca milione euro me shumë se kanë investuar. Dhe qeveria thotë e dhamë me koncesion inceneratorin, se nuk kishim para ta ndërtonim vete.

Pu pu pu. Shkuan për vetulla, nxorrën sytë. Por një gjë e arritën. Reformën në drejtësi na e tallen./CNA