LEXO PA REKLAMA!

SHKARKO APP

Dosjet e prapambetura/ Ambasada e SHBA-së, e pakënaqur nga Gjykata e Lartë

3 Prill 2023, 12:23, Aktualitet CNA

Dosjet e prapambetura/ Ambasada e SHBA-së, e pakënaqur nga Gjykata e

Ambasada amerikane në Tiranë, ka reaguar lidhur me gjykimin e dosjeve të prapambetura në Gjykatën e Lartë.

Me anë të një deklarate në rrjetet sociale, ambasada e SHBA-së duket se nuk është e kënaqur me punën e deritanishme në Gjykatën e Lartë, sa i përket përparimit në gjykim me dosjet e prapambetura.

“Në vitin 2019, Gjykata e Lartë kishte vetëm një gjyqtar nga 19 vende. Sot janë 16 anëtarë me vetëm tre vende të lira. Në korrik 2020, Gjykata e Lartë kishte një grumbullim prej rreth 35,000 çështjesh. Që nga prilli 2021, projekti i reduktimit i financuar nga SHBA ka përpunuar mbi 8,200 çështje të mbetura – dhe Gjykata e Lartë ka zgjidhur 5,200 prej tyre.

Më shumë duhet bërë. SHBA do të vazhdojë të mbështesë Këshillin e Lartë Gjyqësor teksa ai plotëson vendet vakante të mbetura në Gjykatën e Lartë dhe do të mbështesë përpjekjet e mëdha për të pakësuar cështjet e prapambetura. Shqiptarët meritojnë drejtësi të shpejtë, të vërtetë”, thuhet në postimin e ambasadës së SHBA-së./CNA

Dosjet e prapambetura/ Ambasada e SHBA-së, e pakënaqur nga Gjykata e

 

Lajmet e fundit nga