web counter
LEXO PA REKLAMA!

SHKARKO APP

App Store
Google Play

E fundit!

x

"Pse Enver Hoxha vrau Zai Fundon?"/ Gazetari Elvi Fundo: U akuzua se ka qenë “trockist”

4 Prill 2023, 09:11, Aktualitet CNA
"Pse Enver Hoxha vrau Zai Fundon?"/ Gazetari Elvi Fundo: U akuzua se
Zai Fundo

Gazetari Elvi Fundo ka rrëfyer detaje rreth jetës të intelektualit, idealistit, Zai Fundo.

I ftuar në emisionin “Opinion”, Fundo ka zbuluar pse u kërkua pushkatimi i Zai Fundos, ndërsa thekson se në shtator të 1944 ish-diktatori Enver Hoxha ka kërkuar vrasjen e Zai Fundos, përmes një shkrese që është bërë publike.

“Zai Fundo ka lindur në Korçë në një familje tregtare. Familja ka qenë në gjendje shumë të mirë ekonomike. Rreth moshës 20-vjeçare, ai shkoi për të studiuar në Francë për jurisprudencë. Ishte njohës i mirë i 4-5 gjuhëve të huaja. Nga faktet që po dalin, shumë personalitete ishin të ndarë në të djathtë dhe të majtë. Të rinjtë e quanin të majtën edhe modernizëm.

Ai nuk ka pasur kontradikta me familjen sepse kur është kthyer në Korçë, ai ka qëndruar në shtëpinë e tij. Fan Noli ishte mik me Zai Fundon. Ai u kthye rreth vitit ‘23, u bashkua me Fan Nolin, pasi kishte studiuar dhe ishte bërë një i majtë komunist. Është një nga filozofët e së majtës. Zai Fundo pas vrasjes së Avni Rrustemit, përflitet se sipas dokumenteve, ka pasur një rol dytësor ose tretësor në qeverinë e Fan Nolit, tip sekretari rinie në qeverinë e tij. Ishte 25 vjeç. Pas vrasjes së Avni Rrustemit, ai mori drejtimin e gazetës 'Bashkimi' dhe u largua nga Shqipëria me ardhjen e Zogut dhe shkoi në Bashkimin Sovjetik, ku studioi për filozofi.

Zai është akuzuar se ka qenë 'trockist' dhe nga Bashkimi Sovjetik është larguar më pas e ka shkuar në Gjermani. Ka pasur lidhje me një vajzë që quhej Margot. Në vitin 1933, është larguar dhe ka ikur në Francë. Në ato momente thuhet se është bërë një hetim dhe ka mundur t’i shpëtojnë ndjekjes. Më vonë ka shkuar në Moskë dhe pas shpalljes së mbështetësve të tij 'trockist', ka ikur drejt Mongolisë. Më pas është rikthyer në Shqipëri përfundimisht diku te viti '37. Në vitin '39, pas ardhjes së Italisë fashiste, kemi dokumentin e Enver Hoxhës. Ai, para Bashkisë së Korçës, sipas Enver Hoxhës, fliste, bërtiste me gjeste”, ka rrëfyer gazetari Fundo./ CNA.al

 





Lajmet e fundit nga