LEXO PA REKLAMA!

SHKARKO APP

“Sfida jonë, krijimi i punëve të mira”/ Salinas, i shqetësuar për largimin e shqiptarëve

4 Prill 2023, 11:01, Aktualitet CNA
“Sfida jonë, krijimi i punëve të mira”/ Salinas, i
Drejtori i zyrës së Bankës Botërore në Tiranë, Emanuel Salinas

Drejtori i zyrës së Bankës Botërore në Tiranë, Emanuel Salinas është shprehur se fokusi i programeve të bankës Botërore është hapja e sa më shumë vendeve të punës ku në fokus do të jenë të rinjtë dhe gratë.

Gjatë konferencës me kryeministrin Edi Rama, Salinas  ka nënvizuar se është e rëndësishme që një vëmendje të veçantë të ketë kapitali njerëzor duke shmangur largimin e qytetarëve nga vendi.

Jam i kënaqur që ndodhem këtu në emër të Bankës Botërore, dhe asnjëherë nuk kemi pasur një gjë të tillë në Shqipëri. Ndër këto 30 vite ne shikojmë që është arritur shumë, por sot është një tjetër arritje në sajë të këtij bashkëpunimi. Më shumë vende pune, për rininë dhe gratë, është arritur shumë por ka dhe shumë për t'u bërë, ne e vendosim theksin te punët e mira, sfida jonë është për të krijuar punë më të mira për të bërë që njerëzit të jenë këtu, të mos largohen.

 E dyta është përdorimi i kapitalit njerëzor, se siç e dimë është shqetësues numri i personave që largohen nga Shqipëria dhe nga vendet e tjera të Ballkanit Perëndimor, ndaj është e rëndësishme që që të kemi një fokus për këtë kategori, kemi punuar shumë së bashku me kryeministrin sidomos me rindërtimin e shqiptarëve. Ka shumë për të bërë, sa i takon arsimit për të punuar për mundësi më të mira profesionale për fëmijët.

Kur kthejmë kokën në tre apo 5 vitet e shkuara duket sikur ka një krizë të madhe ne e dimë që Shqipëria ka qenë e prekur, dhe ajo që do të punojmë është rritja e rezistencës nga krizat e ardhshme. Jemi shumë të gëzuar që e nisim këtë kuadër të ri partneriteti në të njëjtën kohë ia kemi prezantuar bordit në Uashington me katër ndërhyrje të reja që nuk është bërë akoma në asnjë vend tjetër, Ballkan, apo Europë.

Në vetë të parë mund të shikojmë se si njerëzit kanë punuar fundjavave me një nivel të ulët, ky është një hap i parë vetëm i realizimit të projektit tashmë duhet që të kalojmë në zbatim. Jemi të vetëdijshëm që po u marrim kohë kolegëve të qeverisë për të punuar jashtë orarit të punës“, tha ai./ CNA.al

Lajmet e fundit nga