web counter
LEXO PA REKLAMA!

SHKARKO APP

App Store
Google Play

E fundit!

x

Zgjatet leja e qëndrimit për afganët në Shqipëri (VENDIMI)

5 Prill 2023, 16:17, Aktualitet CNA

 

Zgjatet leja e qëndrimit për afganët në Shqipëri

Këshillimi i Ministrave ka marrë këtë të mërkurë vendimin që leja për qëndrimin e afganëve të zgjatet edhe me 6 muaj, deri në gusht të 2023.

“Një ndryshim në vendimin nr.501, datë 25.8.2021, të këshillit të ministrave, 'për dhënien e mbrojtjes së përkohshme shtetasve afganë dhe personave pa shtetësi, me vendqëndrim të përkohshëm ose të përhershëm në republikën islamike të afganistanit, dhe për krijimin e task-forcës për menaxhimin e fluksit të kërkuesve të mbrojtjes ndërkombëtare', të ndryshuar. Në pikën 2/1, togfjalëshi '…dhe me 6 (gjashtë) muaj të tjerë…', zëvendësohet me '… deri më 24.8.2023…', thuhet në vendimin e qeverisë.

Ndërkohë është marrë vendimi edhe për shtetasit ukrainas, ku qeveria shqiptare ka vendosur për të shtyrë lejen e qëndrimit për ta deri në 17 shtator 2023. 

Shqipëria ka qenë ndër vendet e para që u angazhua për të strehuar qytetarët afganë të cilët u larguan nga vendi i tyre, pasi u kërcënohej jeta nga talebanët që morën pushtetin. 

Avioni i parë në Shqipëri me afganë mbërriti mëngjesin e 27 gushtit të vitit 2021.

 

 





Lajmet e fundit nga