web counter
LEXO PA REKLAMA!

SHKARKO APP

App Store
Google Play

E fundit!

x

Kryeprokurori Çela ngre strukturën e përkohshme për zgjedhjet e 14 majit (POROSITË)

5 Prill 2023, 15:46, Aktualitet CNA

 

Kryeprokurori Çela ngre strukturën e përkohshme për

Për zgjedhjet vendore të 14 majit, Prokurori i Përgjithshëm, Olsian Çela, ka ngritur një strukturë të përkohshme si edhe ka nxjerrë qarkoren për marrjen e masave në çdo prokurori.

Kryeprokurori kërkon nga drejtuesit e prokurorive të rretheve, që të marrin masa për organizimin e prokurorive duke filluar me datë 14 prill, që përkon me nisjen e fushatës zgjedhore, deri me shpalljen e rezultatit përfundimtar të zgjedhjeve nga KQZ-ja të organeve të qeverisjes vendore në njësitë administrative që mbulon rrethi gjyqësor i asaj prokurorie.

"Drejtuesit e prokurorive dhe prokurorët duhet të vlerësojnë dhe trajtojnë me prioritet dhe në afate optimale, çdo referim dhe/ose kallëzim për veprat penale që prekin zgjedhjet e lira dhe sistemin demokratik të zgjedhjeve ose të çdo vepre tjetër penale që dëmton procesin zgjedhor, për kryerjen e hetimeve proaktive, dhe/ose përdorimin e mjeteve të posaçme të hetimit sipas ligjit, si dhe rritjen e intensitetit të hetimeve për këto grupvepra penale”, thuhet në dokument.

Një tjetër çështje me rëndësi që nënvizohet nga kryeprokurori është edhe bashkëpunimi me institucionet.

“Ndërkohë, struktura përkatëse në Prokurorinë e Përgjithshme dhe drejtuesit e prokurorive e prokurori për marrëdhëniet me publikun ne secilën prokurori, marrin të gjitha masat e nevojshme për të siguruar dhe shkëmbyer informacione dhe dërgimin Komisionit Qendror të Zgjedhjeve”, thuhet në dokument. 

 

 





Lajmet e fundit nga