LEXO PA REKLAMA!

SHKARKO APP

Gjyqi ndaj ish-krerëve të UÇK-së/ Xhaçka: Nuk ka prova që kanë kryer krime lufte

5 Prill 2023, 12:02, Aktualitet CNA

Gjyqi ndaj ish-krerëve të UÇK-së/ Xhaçka: Nuk ka

Ministrja e Punëve të Jashtme, Olta Xhaçka, është shprehur se nuk ka asnjë provë që ish-krerët e UÇK-së, të cilët po gjykohen në Hagë, që kanë kryer krime lufte.

Xhaçka theksoi se ish-krerët e UÇK-së akuzohen padrejtësisht si kriminelë lufte.

Ndër të tjera ajo theksoi nevojën për të vendour drejtësinë e vërtetë për këtë çështje si dhe të zbulohen edhe  vendet e varrimit të civilëve të vrarë.

Më tej ministrja u shpreh se Shqipëria po bën gjithçka që drejtësia për ish-krerët e UÇK-së të shkojë në vend.

Lufta e Kosovës për pavarësi nuk mund të rishkruhet. Ne respektojmë parimin e barazisë para ligjit dhe gjykatën që është krijuar me vendim të Kuvendit të Kosovës, por duke pasur parasysh akuzat që i hapën rrugë kësaj gjykate speciale me vullnetin e atyre që sot janë marrë të pandehur për ta pastruar Kosovën nga kjo njollë. Ajo që po ndodh prej më shumë se dy vjetësh është e dëmshme. Duket qartë që nuk ka prova që UÇK ka kryer krime lufte dhe që udhëheqësit dhe komandanti i një lëvizjeje për çlirim nga shtypja dhe mbrojtja nga spastrimi etnik, akuzohen padrejtësisht si kriminelë lufte.

Si të gjithë bashkëkombësit tanë në Kosovë, Shqipëri dhe kudo nëpër botë, ne kërkojmë drejtësi. Jo që dikush të jetë mbi ligjin, por që të shihen faktet dhe të hiqet njolla e padrejtë e turpit nga lufta heroike e Kosovës për pavarësi. Dhe të mos harrohet se krime lufte, vrasje civilësh në masë, varre masive ende të pazbuluara, përdhunime, tortura, zhvendosje të detyruara, janë kryer prej regjimit të Milosheviçit. Për këto krime duhet drejtësi e vërtetë, duke përfshirë zbulimin e vendndodhjeve të të gjitha vendeve të varrimit.

Kjo është pjesë e angazhimeve të dialogut Kosovë-Serbi, të cilat duhen zbatuar tërësisht, në mënyrë që të lëmë pas të kaluarën tragjike dhe të shohim nga e ardhmja e përbashkët europiane.

Shqipëria po bën përpjekje këmbëngulëse që drejtësia të vihet në vend. Dhomat e specializuara për Kosovën u ngritën pas Rezolutës së vitit 2011 të Asamblesë Parlamentare të Këshillit të Europës, e cila siç e përmenda përfshiu akuzat e pambështetura në asnjë fakt e në asnjë provë të një reporteri të Këshillit të Europës, për trafikun e organeve njerëzore.

Kuvendi ynë miratoi para rreth një viti një rezolutë ku konsideroheshin të pabaza këto pretendime dhe kërkohej që Asambleja Parlamentare e Këshillit të Europës të rishikojë rezolutën e miratuar prej saj.

Kryeministri Rama e paraqiti me forcë, me argumente e me pasion këtë kërkesë në një fjalim historik para Asamblesë Parlamentare të Këshillit të Europës", u shpreh Xhaçka.

"Deputetët, pjesë e delegacionit shqiptar në Asamblenë e Përgjithshme të Këshillit të Europës, kanë mbledhur firmat e deputetëve të Asamblesë për një Rezolutë të Re mbi Rezolutën e vitit 2011. Përpjekjet tona nuk do të reshtin derisa kjo rezolutë e re të miratohet dhe lufta heroike për çlirimin e Kosovës të pastrohet nga kjo njollë e turpshme", u shpreh Xhaçka./CNA.al

Lajmet e fundit nga