LEXO PA REKLAMA!

SHKARKO APP

Interpol Tirana konfirmon CNA/ Mirel Mërtiri dhe Stela Gugallja ndodhen në Austri

7 Prill 2023, 20:48, Aktualitet CNA
Interpol Tirana konfirmon CNA/ Mirel Mërtiri dhe Stela Gugallja ndodhen
Mirel Mërtiri dhe partnerja e tij Stela Gugallja

Mirel Mërtiri dhe partnerja e tij Stela Gugallja, të shpallur në kërkim ndërkombëtar për aferën e inceneratorit të Elbasanit, ndodhen në Austri.

Kjo është përgjigja që Interpol Tirana i ktheu Gjykatës së Posaçme, e cila kërkoi informacion për dy të pandehurit.

Për Mërtirin e Gugallen konfirmohet se Ministria e Drejtësisë ka dërguar kërkesë për ekstradim, por deri në datën 5 prill nuk ka pasur përgjigje nëse është pranuar apo refuzuar.

Ndërsa për Klodian Zoton, Interpol deklaroi se nuk ka asnjë informacion.

Kujtojmë se CNA ka raportuar se Stela Gugallja ndodhet në Vjenë. Ndërsa tre ditë më parë, me anë të një shkrese zyrtare për CNA, policia njoftoi Mërtiri dhe Zoto nuk janë lokalizuar.

Nga ana tjetër, Gjykata e Posaçme e shtyu edhe këtë të premte seancën për të pandehurit, pasi policia nuk gjente dot adresën e të pandehurës, Jonida Zeqo, ndonëse ajo është në “arrest shtëpie”. Seanca e radhës u vendos të mbahet më datë 20 prill.

Për aferën e inceneratorit të Elbasanit janë nën akuzë 10 të pandehur, mes të cilëve edhe ish-ministri i Mjedisit, Lefter Koka dhe ish-deputeti socialist, Alqi Bllako./ CNA.al

Lajmet e fundit nga