LEXO PA REKLAMA!

SHKARKO APP

CNA.al denoncoi skandalin/ Shpallet në kërkim ndërkombëtar Mirel Mërtiri

9 Shkurt 2023, 17:53, Aktualitet CNA
CNA.al denoncoi skandalin/ Shpallet në kërkim ndërkombëtar
Mirel Mërtiri

“Truri” i inceneratorëve, siç quhet në akuzën e SPAK edhe në njoftimin e bërë për mediat, Mirel Mërtiri është shpallur sot në kërkim ndërkombëtar.

Burime zyrtare nga Policia e Shtetit thanë për CNA.al se sot në mesditë është kryer e gjithë procedura pas kërkesës të prokurorit për shpalljen në kërkim ndërkombëtar të shtetasit Mirel Mertiri.

Pas shumë kohësh hetim, një nga njerëzit kryesorë të inceneratorëve, sot është shpallur në kërkim ndërkombëtar.

Njeriu kryesor i cili nëpërmejt kompanive të inceneratorëve, që ka dhënë miliona euro për propagandën e këtyre koncesioneve në media, që u quajtën korruptive, tashmë është në kërkim ndërkombëtar zyrtarisht.

CNA.al denoncoi 48 orët e fundit skandalin se Mirel Mërtiri nuk ishte shpallur në kërkim ndërkombëtar, pra ai kërkohej vetëm në Shqipëri dhe zyrtarisht mund të lëvizte i lirë kudo në Europë.

Tashmë mesa duket pas Stela Gugalljas që është identifikuar se ndodhet në Austri, Klodian ZOtos në arrati, është radha e Mitrel Mërtirit për tu gjetur dhe për të dhënë përgjigje para drejtësisë për qindra-miliona euro kontrata që ai së bashku me bashkëpunëtorët e tij, Stela Gugalljan dhe Klodian Zoton, kanë marrë nga shqiptarët, si i kanë përdorur ato dhe korrupsionin që kanë kryer./ CNA.al

Lajmet e fundit nga