Rama “ultimatum” studentëve/ 3 vite pas studimeve duhet të qëndrojnë në Shqipëri

9 Shkurt 2023, 17:02, Aktualitet CNA

Rama “ultimatum” studentëve/ 3 vite pas studimeve duhet të

Kryeministri Edi Rama

Kryeministri i vendit, Edi Rama, ka zhvilluar një takim me studentët ekselentë, ku u ndal në fenomenin e largimit e mjekëve dhe infermierëve nga vendi pasi mbarojnë studimet.

Rama u shpreh se studentët e mjekësisë e kanë detyrim që të qëndrojnë të paktën 3 vite për të kontribuar në vendin e tyre, e më pas për të vendosur nëse do largohen apo jo.

“Shqipëria s’mund të financojë shërbimin shëndetësor gjerman, dhe për këtë arsye ministrja pasi ngriti një skuadër për të bërë një analizë të plotë të programit solli idenë të ndryshojmë drejtim. Për studentët që studiojnë këtu”, tha Rama.

Kryeministri tha se shteti s’mund të vijojë të paguajë 15 deri 16 pjesë të një student nëse student nuk është i gatshëm ti ktheje Shqipërisë investimin që Shqipëria bën për të.

Sipas kryeministrit edhe ndërkohë që paguanin taksapaguesit, studentët që u larguan nga vendi, nuk u rikthyen më në Shqipëri, ku më tej tha se edhe kur bëjnë sikur kthehen, deklarohen si të papunë ose regjistrohen me pagë minimale.

“Vendi ynë ka nevojë për shërbime dhe shërbimet kanë nevojë për njerëz të kualifikuar. Gjithnjë e më shumë bluza atë bardha po spostohen drejt Gjermanisë. Ne nuk pajtohemi me idenë se mund të mbetemi pa mjekë e infermierë. Deri sot balanca është e qëndrueshme, detyra jonë është ta bëjmë një balancë të sigurtë. Është një fakt para të cilit duhet të reagojmë, shteti s’mund të vijojë të paguajë 15 deri 16 pjesë të një student nëse student nuk është i gatshëm ti ktheje Shqipërisë investimin që Shqipëria bën për të. Qytetarët kanë të drejtën të kërkojnë që përkundër parave që shpenzon shteti, të kenë mjekë. Mora mjekët se është shembulli më domethënës dhe janë më të kërkuarit në tregun europian, edhe këtu do ndërhyjmë me një politikë të diferencuar. Të paktën tre vite pas studimeve duhet të qëndrojë në Shqipëri. Kështu duhet të jetë edhe për të tjerët më pas. Kjo është një politikë e re, që vjen si rezultat i një politike tjetër, i ashtuquajtur fondi ekselencës për të mbështetur studentë shqiptarë.

Ky instrument që u ofrohej studentëve të ciklit të parë ose të dytë që studionin në një numër të kufizuar universitetesh nuk e solli pas investimin. Përkundrazi kjo së bashku edhe me qasjen tjetër ndaj studentëve të doktoraturës, solli të kundërtën. Paguan taksapaguesit dhe këta studentë nuk u kthyen më në Shqipëri. Madje jo vetëm nuk u kthyen por edhe kur bëjnë sikur kthehen deklarohen si të papunë ose regjistrohen me pagë minimale. Gjëra të padenja. Unë nuk i gjykoj këta studentë që mbarojnë një shkollë super dhe i kanë te ‘dera’ kompanitë e mëdha por ama, ne nuk mund të vijojmë të përsërisim të njëjtën gjë duke pritur rezultat tjetër. Shqipëria s’mund të financojë shërbimin shëndetësor gjerman, dhe për këtë arsye ministrja pasi ngriti një skuadër për të bërë një analizë të plotë të programit solli idenë të ndryshojmë drejtim. Për studentët që studiojnë këtu”, u shpreh Rama gjatë fjalës së tij para studentëve ekselentë.