web counter
LEXO PA REKLAMA!

SHKARKO APP

App Store
Google Play

Pse "Fax News" prodhoi fake news për inceneratorët

9 Shkurt 2023, 12:39, Aktualitet CNA
Pse "Fax News" prodhoi fake news për inceneratorët
Foto ilustruese

Televizioni "Fax News", dy ditë më parë prodhoi dy fake news të njëpasnjëshme, ose përsëritjen e një lajmi shumë të vonuar dhe një lajm tjetër që ishte një gënjeshtër publike.

Gjithçka ishte e justifikuar me një dokument të çuar nga SPAK, por në fakt realiteti është ndryshe.

Së pari nxori një lajm sikur ministri Arben Ahmetaj sapo ishte marrë nën hetim.

E vërteta është krejt ndryshe.

Hetimi ndaj institucionit, pra Ministrisë së Ekonomisë, ku ka qenë ministër Arben Ahmetaj ka filluar që me hetimet e inceneratorit të Elbasanit dhe pas njoftimit që ka bërë SPAK-u, kur çoi çështjen në gjykatë janë dhe dy ministri të tjera, siç është ajo e Energjetikës dhe Drejtësisë, pra janë Arben Ahmetaj, Damian Gjiknuri dhe ish-ministri i Drejtësisë, Nasip Naço.

Pra nuk është një lajm i ri, është një lajm i vjetër i thënë në media shpesh nga shumë gazetarë në lidhje me hetimet për Arben Ahmetajn.

Së dyti, u prodhua një lajm në lidhje me një gënjeshtër se ishte arrestuar në Austri, Stela Gugallja.

Mediat shqiptare dhe shumë gazetarë kanë raportuar se Stela Gugallja ndodhej në Vienë.

Pse "Fax News" prodhoi fake news për inceneratorët

Gazetari Elvi Fundo këtë e kishte thënë disa kohë më parë në emisionin “Të Paekspozuarit” të Ylli Rakipi, së bashku me faktin e hetimeve për Ahmetjan.

Nga ana tjetër edhe gazetarja Klodiana Lala, disa herë në daljet e saj televizive ka theksuar se Policia e Shtetit dhe Ministria e Drejtësisë kishin filluar procedurat për ekstradimin e shtetases Stela Gugallja, por shpallja e saj në kërkim së bashku me shtetasin Klodian Zoto është bërë e vonuar gjë që u ka dhënë kohë atyre të largohen nga vendi.

Gjithashtu së fundi është raportuar dhe lajmi se nuk është shpallur ende në kërkim ndërkombëtar shtetasi Mirel Mërtiri.

Pra Fax News risolli disa lajme të vjetra dhe prodhoi një fake news. Ndërkohë që dje rendin e Fax News  e ndoqi televizioni tjetër Top Channel me emisionin Inside Story.

Në fakt, Fax News ka prodhuar qartazi një fake news dhe mesa duket është një nga mediat që është paguar dhe paguhet nga kompanitë e inceneratorëve.

CNA.al ka treguar me dokumenta pagesat prej 13 mijë eurosh që merrte çdo muaj Fax News nga kompania e inceneratorëve.

Gjithashtu CNA.al ka mësuar se ky tekevizion tashmë ka një problem me pagesat.

Ka dhjetëra milionë lekë detyrime të papaguara ndaj stafit të saj, ndaj drejtorëve, ndaj drejtuesve të emisioneve e të tjerë dhe mesa duket për të dalë nga një krizë ekonomike e mundshme bëjnë qoka me fake news për të marrë rrogat, por kjo ngelet për tu verifikuar më tej.

Deri tani është verifikuar fakti se ishte një fake news.

Gjithashtu është denoncuar fakti se Fax News paguhet nga inceneratorët.

Pse "Fax News" prodhoi fake news për inceneratorët

Tashmë ky televizion vazhdon dhe publikon fake news që në finale kanë interes inceneratorët, por siç e theksuam më lart ka rroga dhe detyrime papaguar.

Ndoshta po gjen shpëtimin nga borxhet dhe detyrimet që ka ndaj stafit nëpërmjet pagesave që mund të marrë nga inceneratorët për të prodhuar fake news për interes të tyre./ CNA.al

 





Lajmet e fundit nga