Konfirmohen mediat “mercenare” të inceneratorëve

25 Janar 2023, 16:40, Aktualitet CNA

Një investigim i bërë nga deputetja Monika Kryemadhi, e cila kishte filmuar për 180 ditë aktivitetin e inceneratorit të Tiranës, vërtetonte se në landfillin e Sharës nuk kryheshin të gjitha proceset për të cilat paguhet ky incenerator, por bëhet vetëm groposja e mbeturinave.

Pas zbulimit të skandalit, kompania e inceneratorit të Tiranës, “Integrated Energy BV”, nxori një reagim, ku u përgjigjej akuzave të ngritura.

Këtë reagim e publikuan vetëm dy media: “Top News” dhe “Vox News”, dy media këto të administruara nga Habilajt.

Këto media dolën hapur pro inceneratorëve, duke vërtetuar edhe një herë raportimet e CNA si media “ushtare” të inceneratorëve, që paguhen nga njerëzit në krye të megaaferës së shekullit.

CNA ka treguar edhe më parë me emra mediat që paguhen nga inceneratorët, ku përfshihen disa të tilla.

Zbulohen televizionet e inceneratorëve/ Nga pagesat te kronikat e njëjta
9 Dhjetor, 14:27

Në “bandën” e mediave të inceneratorëve është “Top Channel” i Vjollca Hoxhës, kjo e fundit për tri vite ishte në ortakëri me Mirel Mërtirin dhe Klodian Zoton e inceneratorëve.

“Top Channel” vijon të marrë pagesa nga inceneratorët edhe në ditën e sotme.

Kush dhe pse po flet për inceneratorët?
15 Dhjetor, 14:02

Gjithashtu një portal periferik me pronar Erion Habilajn, raportoi lajmin.

Çfarë është Vox TV dhe përse e paguajnë inceneratorët?
16 Janar, 09:20

Erion Habilaj gjithashtu është emëruar në vend të Ledion Liços në krye të "Top News"-it, pasi këtë televizion e morën me qira Habilajt dhe lajmet dhe jehona që ata u bëjnë inceneratorëve, vërtetojnë edhe njëherë se si po u shërbejnë këtyre të fundit.

A e ka marrë me qira Mirel Mërtiri kanalin Top News?
17 Nëntor, 13:26

Pagesat janë vërtetuar më parë me fatura të publikuara nga CNA, ndërsa mediat e mësipërme u kanë shërbyer incerneratorëve duke bërë lajme e kronika, ku jo pak herë na thoshin sa të mirë janë inceneratorët, afera, e të cilëve është tashmë e faktuar, dhe SPAK ka shpallur në kërkim edhe “kokat” e saj, Mirel Mërtirin, Klodian Zoton dhe Stela Gugalljën.

Ekskluzive/ Gazetari i paguar nga inceneratorët takon Mirel Mërtirin në Vjenë
29 Dhjetor, 12:01

Raportimet e djeshme të “Top News” dhe “Vox News” nuk na treguan gjë tjetër veçse atë që CNA e ka thënë me fakte prej kohësh, që këto media janë “mercenare” të “bandës” së inceneratorëve./ CNA.al