web counter
LEXO PA REKLAMA!

SHKARKO APP

App Store
Google Play

Fakte-Afera e inceneratorëve/ Zbardhet skema, Endrit Habilaj përfitoi mbi 20 mijë euro me anë të gruas

8 Janar 2022, 08:50, Aktualitet CNA

Fakte-Afera e inceneratorëve/ Zbardhet skema, Endrit Habilaj përfitoi

Pas dy kompanive VOX TV dhe "Infinit Communication", është edhe një tjetër kompani me të cilën Endrit Habilaj, gazetari i Top Channel, drejtuesi i gazetës Shqip, ka marrë para nga pronarët e inceneratorëve.

Habilaj rezulton të ketë marrë para nga njerëzit e inceneratorëve edhe nëpërmjet bashkëshortes së tij Uarda Habilaj e cila ka në pronësi kompaninë, SH.Q.I.P

Kompania SH.Q.I.P mban numrin e identifikimit L92405003Q dhe është regjistruar me 5.12.2019, me veprimtaru në fushën e mediave online dhe marketing.

CNA.al ka siguruar në pesë fatura të vitit 2021, ku nëpërmjet subjektit SH.Q.I.P, bashkëshortja e Habilajt ka marrë gati 30 milionë lekë këto vetëm për pak muaj.

Fakte-Afera e inceneratorëve/ Zbardhet skema, Endrit Habilaj përfitoi

Konkretisht në Janar të vitit 2021, ai ka përfituar 932.753 Lekë, në Shkurt shuma që i është paguar është 342 240 Lekë. Po në muajin Shkurt Habilaj ka marrë nga inceneratorët, 889, 704 Lekë. Edhe Muajin Mars, rezulton se për Habilajn janë bërë dy pagesa nga inceneratoërt, përkatësisht në shumat, 340, 142 Lekë dhe 342 240 Lekë.

Në total për vitin 2021, Habilaj është paguar nga inceneratorët 2 847 079 Lekë.

Pra, Habilaj edhe në këtë rast ka marrë dhjetra-mijëra euro, sistematikisht nga pronarët e inceneratorëve, me anë të skemave të ndryshme me kompani edhe në emër të bashkëshortes së tij.

Janë fatura që Habilajt i kanë mbyllur gojën dhe njëherësh profesionalizmin dhe etikën që duhet të ketë një gazetar, nëse e quan veten të tillë dhe del e reklamohet me emisione investigative, që në raste të tilla, pa frikë mund të quhen emisione për vënien gjobash./E.S-CNA.al





Lajmet e fundit nga