web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore të 14 majit/ Meta i “lëshon” Blushin, Veliajt

25 Janar 2023, 12:36, Aktualitet CNA

Zgjedhjet vendore të 14 majit/ Meta i “lëshon” Blushin,

Kreu i Partisë së Lirisë, Ilir Meta, i ka vërsulur sekretarin e partisë, Tedi Blushin, kryebashkiakut Erion Veliaj.

Duke qenë në prag të zgjedhjeve të 14 majit, në vend që të mbështesë kandidatin e PD-së për Bashkinë e Tiranës, Belind Këlliçin, sulmon Veliajn.

Në një deklaratë për mediat, Blushi ka hedhur akuza ndaj Erion Veliajt duke thënë se po përdor fondet publike dhe taksat e qytetarëve për të mbushur xhepat e tij.

“Cilësia shumë e dobët e investimeve dhe standardet e punimeve që lënë për të dëshiruar janë dëshmi e qartë se fondet publike dhe taksat e banorëve të kësaj lagjeje që duhet të shkonin për përmirësimin e infrastrukturës në Rrugën 'Tefta Tashko Koço' janë keqpërdorur barbarisht dhe kanë përfunduar në xhepin e Erion Veliajt dhe klientëve të tij.

Katër asfaltet e hedhura në këtë rrugë janë mirëfilli katër vjedhje të taksave të banorëve të Njësisë 2, të cilët rrugën me standarde dhe kanale kullimi e shohin vetëm në fotot me filtra të propagandës së Erion Veliajt, por jo në realitetin e hidhur që prekin çdo ditë.

Rrugët e ndershme nuk kanë nevojë as për katër investime, as për katër inaugurime dhe as për katër kronika televizive, por vetëm për një investim të ndershëm, që nuk vidhet, por që jeton për të paktën katër dekada.

Infrastruktura e bërë copash në rrugët dhe rrugicat e Tiranës, që kanë gllabëruar miliona lekë, por kanë mbetur po njësoj, tregon dështimin e plotë të Bashkisë së Tiranës për përmirësimin e kushteve të banorëve dhe administrimit të fondeve publike.

Të përdorësh 350 milionë euro buxhet vjetor për të mbushur xhepat dhe jo gropat e rrugëve të lëna rrugëve do të thotë se për tetë vite kryehajduti Erion Veliaj mendoi si të pasurohej për vete dhe jo se si të përmirësonte infrastrukturën dhe cilësinë e jetesës në komunitet të qytetarëve të Tiranës.

Ndaj 14 maji është dita për të ndëshkuar masivisht me votë kryehajdutin dhe kryemashtruesin e Tiranës!”, tha ai./ CNA.al





Lajmet e fundit nga