LEXO PA REKLAMA!

SHKARKO APP

Shtruan rrugën që nuk e shtronte bashkia/ Banorët paditen për ndërtim pa leje

25 Janar 2023, 10:10, Aktualitet CNA

Shtruan rrugën që nuk e shtronte bashkia/ Banorët paditen

Banorët e Kurjanit në Roskovec janë paditur për ndërtim pa leje.

Gjithçka ka nisur pas iniciativës së tyre për shtrimin e rrugës, punë kjo që duhej të bëhej nga bashkia.

Ata shtruan rrugën që nuk e ka shtruar shteti për 25 vjet me financat e tyre për të shkuar fëmijët në shkollë dhe të moshuarit te mjeku.

Nga ana tjetër bashkia u ka çuar policinë e shtetit për ndërtim pa leje.

Ngjarja ka ndodhur ditën e djeshme.

Për shtrimin e rrugës kryesore 2,5 km të gjatë e tepër të amortizuar ata mblodhën financat e tyre dhe shtruan më pak se 150 metra rrugë që i lidh lagjet e fshatit me shkollën nëntëvjeçare dhe qendrën shëndetësore.

Forca të policisë kanë kontaktuar dje me banorët për t'i kallëzuar penalisht.

Ata janë ankuar me dhjetëra herë në Bashkinë e Roskovecit dhe me kryebashkiaken Majlinda Bufi kanë kryer takim dhe u ka premtuar zgjidhje në shtatorin e kaluar, por ende nuk është bërë asgjë, në vend të na falënderojë na sjell policinë”, shprehen ata.

Por sipas kryebashkiakes së Roskovecit, Majlinda Bufi, ka pasur një denoncim, janë kryer verifikimet dhe është konstatuar se ka ndërtim pa leje./CNA.al

Lajmet e fundit nga