web counter
LEXO PA REKLAMA!

SHKARKO APP

App Store
Google Play

E fundit!

x

“Kemi pasur njohje personale”/ Ndoka tregon për takimin me Aleks Nikën në protestën e 21 janarit

24 Janar 2023, 16:04, Aktualitet CNA
“Kemi pasur njohje personale”/ Ndoka tregon për takimin me
Kryetari i PDK-së, Nard Ndoka

Kryetari i PDK-së, Nard Ndoka, ka treguar takimin me Aleks Nikën, njërin prej viktimave në protestën e 21 janarit të 2011-ës.

Ndoka tha në Euronews Albania se me Aleks Nikën kishte pasur njohje personale dhe e kishte takuar atë ditë në protestë.

Ai deklaroi se viktima e 21 janarit kishte shkuar në protestë me 3-4 shokë të tij dhe asnjëri prej tyre nuk ishte aktiv në vijën e parë.

“Atë ditë unë kam takuar edhe Aleksin në protestë. Kam pasur një njohje personale më përpara me të. Ata janë nga Manatia dhe unë kam njerëz të mi, përmes tyre kam pasur kontakte. Rastësisht jam takuar në kafe 3-4 muaj para protestës, e pashë në protestë. I fola, i përshëndeta, nuk ishin fare aktivë.

Ishin 4-5 shokë bashkë që kishin ardhur në protestë, por nuk ishin ata personin që ishin aktivë në vijën e parë, që sulmuan policinë. Ishin diku në një qoshe që po bisedonin me njëri-tjetrin. Kur kalova, ata vetë më folën, i përshëndeta. E kam ndjekur me një lloj shqetësimi që kam pasur për shkak të njohjeve personale. I kam shkuar në shtëpi për ngushëllime”, theksoi kreu i PDK-së./ B.A. – CNA.al





Lajmet e fundit nga