web counter
LEXO PA REKLAMA!

SHKARKO APP

App Store
Google Play

“Vjedhja shtetërore nuk ndalet”/ Denoncon PD: 410 milionë lekë zhduken për një landfill që nuk funksionon në Mat

24 Janar 2023, 11:16, Aktualitet CNA
“Vjedhja shtetërore nuk ndalet”/ Denoncon PD: 410 milionë
Foto ilustruese

Denoncimet e PD-së për aferat korruptive vijojnë.

Së fundi, kryetarja e Degës së PD-së në Mat, Denisa Vata, në një deklaratë për mediat është shprehur se landfilli i inauguruar tre muaj më parë nga kryeministri Edi Rama në Bashkinë Mat është bosh.

Sipas Vatës, edhe pse janë shpenzuar 410 milionë lekë nga qytetarët shqiptarë, gropa e hapur për landfill është ende bosh, ndërkohë që mbeturinat e Bashkisë Mat shkarkohen diku ngjitur me Landfillin.

“Landfilli i inauguruar tre muaj më parë nga Kryeministri Rama në Bashkinë Mat, ka pësuar fatin e 'vëllezërve të mëdhenj' në Tiranë, Fier dhe Elbasan.

Edhe pse janë shpenzuar 410 milionë lekë nga taksat tuaja, gropa e hapur për landfill është ende bosh, ndërkohë që mbeturinat e Bashkisë Mat shkarkohen diku ngjitur me Landfillin.

Siç do ta shihni nga pamjet, ky i ashtuquajtur Landfill është jashtë funksioni, pasi mbeturinat janë të hedhura në rrugë duke bllokuar madje dhe hyrjen për në gropën e depozitimit.

Gropa, në vend që të quhet ‘Landfill’ mund të emërtohet gropa e sebepit apo pretekstit për dikë në Bashkinë Mat për të çelur një tender, e mbyllur sytë, kur vidhen paratë e takspaguesve.

Landifilli nuk ka qenë në funksion asnjë ditë. Madje punonjësit deklarojnë, jashtë kamerave se nuk duan të humbasin punën dhe bukën e gojës, se është tentuar disa herë të groposen mbeturinat, por janë groposur makineritë e bashkisë, për të cilat është dërguar më pas eskavatori për të bërë nxjerrjen e tyre.

Kjo vjen si pasojë e punimeve të dobëta dhe abuzive dhe moshedhjes së bazamentit të dranazhimit. Mbulimi vetëm me skorje, mbi normativën e lejuar, nuk lejon makinat që të shkarkojnë.

Mosdranazhimi ka sjellë dhe shembjen e këtij Landfilli në anën e poshtme.

Pra, janë investuar 410 milionë lekë, dhe në vetëm pak muaj, Landfilli është jashtë funksionit dhe madje i shembur në anën e poshtme.

Se ku ka shkuar investimi, ku do shkojnë mbeturinat e Bashkisë Mat, dhe ku përfundojnë paratë, mund ta merrni me mend”, shprehet Denisa Vata./ CNA.al

 

 





Lajmet e fundit nga