LEXO PA REKLAMA!

SHKARKO APP

Mediat e Irfanit nxjerrin lajmin e CNA dy javë më pas

23 Janar 2023, 18:20, Aktualitet CNA

 

Mediat e Irfanit nxjerrin lajmin e CNA dy javë më pas
Biznesmeni Pëllumb Salillari dhe Irfan Hysenbelliu

Mediat e Irfan Hysenbelliut, “BalkanWeb” dhe gazeta “Panorama” kanë publikuar mbrëmjen e sotme lajmin e gjobitjes së biznesmenit të ndërtimit, Pëllumb Salillari.

Në fakt, ky është një lajm që CNA.al e ka raportuar rreth dy javë më parë. Konkretisht, më 8 janar CNA.al shkruante se tre shkodranë ishin vënë në pranga, pasi i kishin vendosur gjobë biznesmenit.

Sipas të dhënave zyrtare dhe burimeve të konfirmuara për CNA.al, personat në fjalë ishin regjistruar nga biznesmeni për këtë gjobëvënie. Pas denoncimit në polici, kanë qenë forcat e rendit, të cilat kanë ndërtuar një operacion, pra biznesmeni ka qenë duke pritur gjobëvënësit dhe më pas ata kanë bërë prangosjen e tyre.

Lajmi i publikuar nga CNA.al, u konfirmua më 10 janar nga kryekomisari Gent Berberi, i cili zbardhi detajet e operacionit “Signal” te Liqeni i Thatë, që çuan në pranga tre shtetasit Jasmin Pepaj, Rezart Pepaj dhe Sherif Kadroviç.

Të tre shkodranët u lanë në burg nga Gjykata e Tiranës për veprën penale të mashtrimit.

Mediat e Irfanit nxjerrin lajmin e CNA dy javë më pas

Ndërkohë, mediat e Irfanit, pretendojnë se biznesmenit i është vendosur gjoba me anë të një mesazhi në aplikacionin signal mbrëmjen e 5 janarit 2023, nga një kontakt me emrin “Edi”.

Sipas tyre, gjobitësit i kërkuan Salillarit 150 000 euro dhe ky i fundit la takimin, ku edhe u organizua kurthi për kapjen e tyre.

Pra, një lajm që CNA.al e ka raportuar dy javë më parë, mediat e Irfanit e kanë publikuar sonte si një ekskluzive të tyre./ CNA.al

Mediat e Irfanit nxjerrin lajmin e CNA dy javë më pas

Mediat e Irfanit nxjerrin lajmin e CNA dy javë më pas

Mediat e Irfanit nxjerrin lajmin e CNA dy javë më pas

Mediat e Irfanit nxjerrin lajmin e CNA dy javë më pas

Lajmet e fundit nga