web counter
LEXO PA REKLAMA!

SHKARKO APP

App Store
Google Play

“21 janari” brenda javës “shkon” në SPAK/ Ngushtohet rrethi i Lulzim Bashës

23 Janar 2023, 11:51, Aktualitet CNA

“21 janari” brenda javës “shkon” në SPAK/

Partia Socialiste ka paralajmëruar sot, se brenda kësaj jave do të dorëzojë një kallëzim penal në SPAK në lidhje me tragjedinë e 21 Janarit.

Ky hap i PS-së vjen pas daljes në dritë të provave të reja, të publikuara së fundmi nga gazetari Artan Hoxha.

“Ne jemi palë e dëmtuar në atë ngjarje dhe në dritën e provave të reja, një prove tjetër, sikurse është një audiopërgjim që është bërë publik dhe bazuar në faktin se dosja penale sa i takon Aleks Nikës është dosje që ndodhet në Prokurorinë e Tiranës dhe është kërkuar dhe vazhdojmë të kërkojmë që SPAK-u ta hetojë këtë çështje. Sikurse në ditët në vijim PS do ketë kallëzimin e vet”, ka thënë sot, kreu i grupit parlamentar të PS-së, Taulant Balla.

Kujtojmë se në audio-regjistrimin e publikuar nga Artan Hoxha, përveçse komanadatit të Gardës, Ndrea Prendi, i cili jep urdhër për zjarr, i përfshirë është edhe Lulzim Basha, që në atë kohë ka qenë ish-ministër i Brendshëm.

Ky i fundit, sipas audio-regjistrimit, është pjesë e “grupit të zjarrit”. Deri në këto momente nuk ka pasur asnjë reagim nga Lulzim Basha në lidhje me këtë çështje, por rrethi i tij duket se do të ngushtohet pas kallëzimit në SPAK./CNA.al





Lajmet e fundit nga