LEXO PA REKLAMA!

SHKARKO APP

“1 milion aplikime në vit për problematikat”/ Lame: Të mërkurën, në qeveri VKM-ja për pronat publike

23 Janar 2023, 11:02, Aktualitet CNA
“1 milion aplikime në vit për problematikat”/ Lame:
Kreu i Agjencisë Shtetërore të Kadastrës, Artan Lame

Kreu i Agjencisë Shtetërore të Kadastrës, Artan Lame, ka zhvilluar një konferencë lidhur me regjistrimin e pronave.

Lame është shprehur se rastet me abuzimin janë të shumta dhe kjo ka nisur me mosregjistrimin ndër vite të pronës shtetërore.

“Tani jemi fokusuar te regjistrimi i pronës shtetërore. E dimë të gjithë se çfarë ka ndodhur. Nuk dua të vendos gishtin mbi të shkuarën. Rastet me abuzimin janë të pafundme dhe ka nisur për shkak të mosregjistrimit ndër vite të pronës shtetërore”, ka thënë Lame.

Kreu i Kadastrës nënvizoi se çdo vit janë mbi 1 milion aplikime lidhur me situatat problematike për çështjen e pronës.

Ndër të tjera përmendi edhe rastin e oborrit të burgut të Shënkollit në Lezhë.

“Sjell Shembullin e Burgut të Shënkollit në Lezhë që i ka dalë pronari oborrit të Burgut. Godina ka mbetur në shtet dhe oborrit i ka dalë pronari. Të mërkurën do të kalojë në qeveri një VKM për përditësimin e pronave publike, që do të saktësojë procedurën se si do të identifikohen këto prona. Sot po lançojmë projektin e regjistrimit të pronës shtetërore”, ka deklaruar Lame./ CNA.al

Lajmet e fundit nga