LEXO PA REKLAMA!

SHKARKO APP

Begaj mbledh sot Këshillin e Sigurimit Kombëtar

23 Janar 2023, 09:20, Aktualitet CNA

Begaj mbledh sot Këshillin e Sigurimit Kombëtar

Presidenti i Republikës, Bajram Begaj, do të mbledhë sot Këshillin e Sigurimit.

Mbledhja do të nisë në orën 14:00 dhe janë të ftuar të marrin pjesë anëtarët e përhershëm të Këshillit të Sigurimit Kombëtar dhe të ftuar drejtues të institucioneve me rëndësi për sigurinë kombëtare.

 “Analiza e gjendjes së sigurisë kombëtare dhe diskutimi i prioriteteve për vitin 2023. Mbledhja e Këshillit të Sigurimit Kombëtar synon që të japë një panoramë të plotë dhe të integruar të gjendjes së Sigurisë Kombëtare në Republikën e Shqipërisë dhe të diskutojë prioritetet për vitin në vijim në funksion të angazhimit të plotë, gjithëpërfshirës të institucioneve në garantimin e sigurisë, lirisë dhe mirëqënies së qytetarëve. Në mbledhjen e Këshillit të Sigurimit Kombëtar janë ftuar të marrin pjesë anëtarët e përhershëm të Këshillit të Sigurimit Kombëtar dhe të ftuar drejtues të institucioneve me rëndësi për sigurinë kombëtare”, thuhet në njoftimin e Presidencës./CNA.al

 

 

Lajmet e fundit nga