E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Shuplaka e fortë për Ermal Mamaqin/ Radio “Ngjallja”: Perversioni, imoraliteti kërkojnë të zëvendësojnë shenjtërinë

22 Janar 2023, 15:47, Aktualitet CNA

Ermal Mamaqi

Radio “Ngjallja” ka reaguar me tone të ashpra ndaj aktorit dhe producentit Ermal Mamaqi.

Në një postim në rrjetet soiciale, Radio “Ngjallja” shkruan se është khtyer në trend që të përdhosen vendet e shenjta .

Ndër të tjera, thekson se rasti më i fundit është ai i kishës së Shën Marisë në lagjen Kala të Elbasanit, nga "MamaqiProduction" dhe "GagarinProduction".

Sipas Radio “Ngjallja”, duke paguar një shumë të hollash tek zaptuesi dhe përdhosësi i këtij objekti të shenjtë, Nikolla Markut dhe bandës së tij, performojnë veprime të turpshme brenda vendit të shenjtë.

“Kur ndyrësia, perversioni, imoraliteti kërkojnë të zëvendësojnë shenjtërinë, pastërtinë, hyjnoren!

Është kthyer në trend dhe modë që të përdhosen vendet e shenjta të komunitetit Orthodhoks. Rasti më i fundit është ai i kishës së Shën Marisë në lagjen Kala të Elbasanit nga MamaqiProduction dhe GagarinProduction të cilët duke paguar një shumë të hollash tek zaptuesi dhe përdhosësi i këtij objekti të shenjtë Nikolla Markut dhe bandës së tij që e ka katandisur këtë kishë në vend degjenerimi dhe fyerje të ndjenjave të cilido njeriu fetar në vend, performojnë veprime të turpshme brenda vendit të shenjtë.

Këta njerëz si Mamaqi.co janë ata që po promovojnë antivlerat për shoqërinë dhe sidomos për rininë e këtij vendi duke synuar dekadencën dhe rënien morale të saj. Të njëjtën gjë bënë dhe etërit e tyre me kazmat dhe lopatat duke u sulur si egërsira ndaj tempujve dhe vendeve të shenjta duke promovuar errësirën, perversionin, dhimbjen dhe dëshpërimin për këtë popull kaq shumë të përvuajtur”, shkruan Radio Ngjallja në postimin në rrjetet sociale./ CNA.al