web counter
LEXO PA REKLAMA!

SHKARKO APP

App Store
Google Play

17 vite pa Ibrahim Rugovën/ Berisha: Nderim dhe mirënjohje, arkitektit të Kosovës së lirë

21 Janar 2023, 19:37, Aktualitet CNA
17 vite pa Ibrahim Rugovën/ Berisha: Nderim dhe mirënjohje, arkitektit
Sali Berisha dhe Ibrahim Rugova

Kreu i PD-së, Sali Berisha, ka përkujtuar ish Presidentin e Kosovës, Ibrahim Rugova, në 17 vjetorin e tij të ndarjes nga jeta.

Përmes një postimi në rrjetet sociale, Berisha shpreh nderimin dhe mirënjohjen për veprën e Presidentit të ndjerë, Ibrahim Rugova, shtetarit dhe politikanit gjeni e vizionar, themeluesit të Kosovës së lire dhe të pavarur.

“Nderim kujtimit dhe veprës së pavdekshme të Presidentit Ibrahim Rugova!

Të dashur miq,

si sot 17 vite më parë mbylli sytë përgjithmonë  arkitekti i Kosovës së lirë dhe të pavarur, Presidenti i pavdekshëm i saj, miku im i paharruar Dr.Ibrahim Rugova.

Sot në këtë 17 vjetor të ndarjes së tij nga jeta familja Rugova, miqtë, të afërmit dhe qytetarët e Kosovës dhe mbarë kombi shqiptar, përulen me nderimin më të thellë, mirënjohjen më të pakufijshme para veprës së Presidentit të ndjerë Dr.Ibrahim Rugova, shtetarit dhe politikanit gjeni e vizionar, themeluesit të Kosovës së lirë, të pavarur.

Të dashur miq, në një qëndrim antikombëtar Edi Rama me urdhër të Beogradit bllokon prej 7 vitesh me rradhë vendosjen e shtatores së Presidentit të ndjerë Dr.Ibrahim Rugovës në vendin e merituar në Tiranë.

Ky akt anishqiptar i Edi Ramës ndaj njerit prej personaliteteve më të shquara të kombit shqiptar në kohëra është dëshmi tjetër e vasalitetit të tij të shpifur ndaj serbomadhit Vuçiç.

Nderim për jetë kujtimit dhe veprës së pavdekshme të Prof.Dr Ibrahim Rugovës”, shkruan Berisha në rrjetet sociale./ CNA.al





Lajmet e fundit nga