web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore/ Kikia: Tani hapet perdja, fillon përqafimi i nënave me shami në kokë

21 Janar 2023, 19:29, Aktualitet CNA
Zgjedhjet vendore/ Kikia: Tani hapet perdja, fillon përqafimi i nënave
Gazetari Mentor Kikia

Gazetari Mentor Kikia, në një reagim në rrjetet sociale, shkruan se me afrimin e zgjedhjeve vendore që do të mbahen në 14 Maj, do të intensifikohet dhe një nga shfaqjet më të urryera sipas tij.

Kikia nënkupton se tani do të nisë shfaqja, ku të gjithë politikanët do të trokasin në shtëpitë e shqiptarëve, apo do të zhvillojnë takime në çdo vend, thjesht për të marrë votën për zgjedhje.

“Hapet perdja, tani fillon përqafimi i Nënave me shami në kokë

Me afrimin e zgjedhjeve do të intesifikohet edhe shfaqja më e urryer për mua.

Politikanët, kandidatët, që dalin rrugicave të qyteteve e fshatrave dhe takojnë popullin e thjeshtë.

Tregtarin tek tezga, fshatarin në arë duke punuar tokën me bel, pensionistët duke lozur domino apo me letra…. I takojnë, i përqafojnë, bisedojnë lirshëm sikur të ishin të njohur prej kohësh, tregojnë barcoleta, qeshin për hiçgjë.

Sa njerëz të thjeshtë që janë…

Dhe qershia mbi tortë është Nëna!

Është nëna me shaminë e bardhë në kokë,

Diku të bardhë e diku të zezë. Zyrat e PR kujdesen që në çdo takim të ketë një Nënë me shami në kokë. Ajo është e kërrusur, e mpakur në trup, me duart të vrara nga puna…

Politikani e përqafon, e mbështjell në kraharor, i puth duart e rreshkura, i flet me përzemërsi si biri që ka ardhur nga emigrimi.

Dhe Nëna kenaqet, lumturohet dhe i drejtojet: Të pastë nëna bir.

Dhe biri ikën i lumtur. I merr votën dhe zhduket. Nuk ia sheh me surratin Nënës.

Deri në zgjedhjet e tjera Nëna mund të ketë vdekur, por do të gjendet një Nënë tjetër.

Në këtë vend që vetëm plaket, ka Nëna me shumicë”, shkruan Kikia./ CNA.al





Lajmet e fundit nga