LEXO PA REKLAMA!

SHKARKO APP

12 vite nga tragjedia me katër viktima/ Si e ka amnistuar Lulzim Bashën, drejtësia?

21 Janar 2023, 08:30, Aktualitet CNA

12 vite nga tragjedia me katër viktima/ Si e ka amnistuar Lulzim

Sot, shënohen 12-vite nga gjarja e 21 janarit e vitit 201 e nisur si protestë dhe e përfunduar si tragjedi.

Pasi bulevardi përpara kryeministrisë u përgjak me katër viktima dhe disa të plagosur.

Aleks Nika, Ziver Veizi, Hekuran Deda dhe Faik Myrtaj humbën jetën.

Vendi në atë kohë ishte nën drejtimin e ish-kryeministrit Sali Berisha, ish-ministrit të Brendshëm, Lulzim Basha dhe Garda e Republikës nga aty ku u qëllua ndaj 4 qytetarëve që mbetën të vdekur ishte nën komandën e Ndrea Prendi.

Një natë më parë Artan Hoxha ka bërë një deklaratë të fortë, ku tha se nuk ka pasur ndëshkime dhe njëri prej atyre që nuk është ndëshkuar është Lulzim Basha, ish kreu i PD-së, që në atë kohë ka qenë Ministër i Brendshëm.

“Oficerët kanë qëlluar me urdhër, komandanti i Gardës Ndrea Prendi dhe Agim Lluko.

Audio që kam siguruar pas 12 vitesh, vërteton se vrasjet janë kryer me urdhër.

Komunikimi është bërë nga një kanal i veçantë radiojeje, ku aty nuk komunikonin e gjithë garda, por vetëm një pjesë, ku më vonë u quajt edhe “grupi i zjarrit”.

Në atë kanal radioje, ka qenë dhe drejtori i përgjithshëm i policisë së shtetit, dhe ministri i Brendshëm i asaj kohe Lulzim Basha”, ka thënë Artan Hoxha një natë më parë.

Por, Lulzim Basha, i cili dyshohet se me veprimet dhe mosveprimet e tij, ka sjellë si pasojë vrasjen e katër protestuesve në 21 Janar, nuk është prekur nga drejtësia./CNA.al

Lajmet e fundit nga