LEXO PA REKLAMA!

SHKARKO APP

Korrupsioni që “ngre këmbanë alarmi”/ Abuzimi i inceneratorëve me plehrat në Sharrë

20 Janar 2023, 21:28, Aktualitet CNA

Korrupsioni që “ngre këmbanë alarmi”/ Abuzimi i

Deputetja e Partisë së Lirisë, Monika Kryemadhi, ka denoncuar sërish korrupsionin që po bëhet me incenerimin e plehrave në landfillin e Sharrës.

Kryemadhi tha në emisionin e Çim Pekës se mbeturinat nuk ndah, por groposen pa u bërë proceset sipas radhës.

Ajo theksoi se pirgjet me dhe që i hidhen sipër mbeturinave e nxjerrin jashtë funksionit përpunimin e mbetjeve në një moment të dytë.

Pjesë nga deklarata:

Mbeturinat hidhen në gropë. Mblidhen mbeturinat sipas itinerarit të caktuar, dhe pas peshimit normalisht duhet të futen në kapanon, sepse vetë kompania thotë se ne trajtojmë 1200 ton në ditë në kapanon. Do të thotë diferencimi i mbeturinave, qelqin, plastikën, metalin, letrën të ndara.

Çështja e hedhjes së dheut në vendin e depozitimit është e nivelit zh. Në vendet Afrikane bëhet ky lloj trajtimi. Kur ti i hedh dhe, do të thotë që ti e varros. Nuk zhvarroset më. Kemi raste të tjera të marrjes së hekurit nga njerëz që janë viktima, si Ardit Gjoklaj, dhe vazhdojnë ka pafundësisht raste të tjera. Hekuri nëse është në fund të landfillit nuk mund ta nxjerrësh. Mund të marrësh hekurin që është në sipërfaqe pa i hedhur dheun. Hedhja e dheut shërben për të eliminuar gazrat.

Nëse do ishte bërë përpunimi, incerimi dhe bërja në formë kubikësh, që në momentin që punon inceneratori, merret hidhet dhe digjet. Në rastin kur hidhet dheu sipër, ato plehra nuk zhvarrosen më.

Përfaqësuesi i landfillit të Sharrës thotë se ai landfill duhet të mbushet për 30 vjet. Dhe tha pasi diferencohen, presohen në formë kubike që të zënë vend sa më pak. 9 muaj pas intervistës, kjo gropë që duhej të mbushej për 30 vjet është mbushur për 9 muaj. Në korrik gropa është e mbushur me mbetje dhe hidhet dheu. Kur hidhet dheu nuk quhen më depozitim për djegie, por kapsulim, groposje në gjuhën popullore. Është korruptiv. Korrupsioni është se nuk ke bërë procedurën. Si tha Rama në komisionin hetimor nën betim? Diferencohen, përpunohen, riciklohen dhe rikthehen në burim.

Është data 13 korrik.

Mbledhja e mbeturinave bëhet në të gjitha pikat sipas itinerarit. Kur peshohet duhet të futet në kapanon. Kompania thotë se trajtojmë 1200 ton mbetje në kapanon, qelqin menjanë, kartonin menjanë. Prandaj paguhet vlera 29 euro. Shkon në krah të kapanonit, është landfilli i vjetër i Sharrës. E njëjta makinë gjatë gjithë kohës. Dhe ky është landfilli i ri. Pirgjet me dhe e nxjerrin jashtë funksionit përpunimin e mbetjeve në një moment të dytë./ B.A. - CNA.al

Lajmet e fundit nga