E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Artan Hoxha hedh hije dyshimi/ “Krimi ka vendosur kamera në të gjithë Shqipërinë”

19 Janar 2023, 23:15, Aktualitet CNA

Artan Hoxha hedh hije dyshimi/ “Krimi ka vendosur kamera në të
Gazetari Artan Hoxha shprehet i çuditur publikimi pikërisht para disa ditësh i lajmit për sekuestrimin e 21 kamerave të sigurisë në Shkodër nga policia .

Ai tha se këto kamera po vendosen jo për të parë lëvizjet e policisë por që organizatat kriminale të mund të shikojnë lëvizjet e njërit-tjetrit.

Gjithashtu Hoxha në intervsitën e tij për gazetarin Ylli Rakipi tha se sekuestrimi i kamerave lidhet edhe me eksplozivët që vensosen në banesat e efetivëve që deri më tani numërohen 5 raste të tilla.

"Më duket pak e çudithsme që kjo histori u publikua tani. Nuk di vend të Shqipërisë ku ka banda, të mos kenë sistemet më të mira të survejimit. Edhe parcelat e hashashit i kontrollojnë me kamera.

E kam parë në një parcelë, ku u mundova të çoja dronin dhe nuk shkonte droni, sepse kishte bllokues valësh. U futa në pyll dhe gjeta kamera, që kontrolloheshin me celular. Ishin kamera të ardhura nga Izraeli. Ato kamera kanë kosto shumë më të lirë sesa rojet, sepse rojet flasin, ndërsa kamerat janë në rregull. Kur kishin instaluar kamera në majë të malit, cfarë mendon se ndodh në qytet? Ato kamera janë instaluar për të ndjekur lëvizjet e njëri tjetrit dhe jo të policisë.

Ishin kamera me rezolucion dhe me cilësi shumë të lartë, kamera që punon 360 gradë. Vrasja e mjekut në Elbasan, u kap nga një kamera, që e kishte vendosur një person që jetonte jashtë vendit për të ruajtur familjen e vetë.

Pse u zbuluan këto?

Atë ditë iu vendos eksploziv banesës së shefit të krimeve. I është vendosur dhe në pranverën e vitit të kaluar. Ishte koha e kultivimit të kanabisit. Eksplozivi ishte shumë i fuqishëm. Çfarë bëri policia? Meqenëse ngjarja bëri bujë, policia kërkoi kamerat e sigurisë. Kamerat e institucioneve, nuk e kishin mbulimin që kanë kamerat e këtyre personazheve. Kur i kërkuan kamerat, ata nuk i dhanë.

Të gjithë grupet që njoh unë në Shkodër, në zonat që operojnë, kanë vendosur sistem kamerash, për të ruajtur njëri tjetrin. Sot, kush investon më shumë? Janë personazhe nga bota e krimit, sepse kanë nevojë për siguri.
Më ka bërë vaki disa herë në Shkodër, sa kam hyrë në lagje, më ka ardhur menjëherë makinë te këmbët.

Kamerat nuk janë vetëm në Shkodër, por u bë sebep ngjarja e shefit të Shkodrës. Janë sulmuar me lëndë eksplozive 5 oficerë policie. Policët kishin raportuar se ku do të kultivohej kanabisi. Shefat i kishin shitur te grupet kriminale. Dhe grupet iu vunë tritolin.

Ke sisteme sigurie të instaluara edhe në Tiranë dhe ku të duash. Në raste kur mund të kenë probleme me policinë, kanë një biznes me leje, për të vendosur sistemet e kamerave. Sistemi i sigurisë më të mirë, e kanë grupet kriminale. Sallat operative të tyre janë më të mira se të policisë. Kam parë në shumë qytete. Përdorin dronë.

Ato nuk duhet të ishin sekustruar, por duhet të ishin lënë. Kamerat, sipas ligjit, ato që vendosin bizneset, janë të drejtuara poshtë. Kështuqë, kjo histori e kamerave vetëm sa u gërvisht.Në të gjithë Shqipërinë ke kamera të botës së krimit, që i kanë për sigurinë e tyre dhe të familjes së tyre", tha ai./ CNA.al