web counter
LEXO PA REKLAMA!

SHKARKO APP

App Store
Google Play

E fundit!

x

Grenell, i zhveshur nga funksionet zyrtare/ S’dua të jem kurrë politikan, jam djali i një shitësi makinash

19 Janar 2023, 22:06, Aktualitet CNA
Grenell, i zhveshur nga funksionet zyrtare/ S’dua të jem kurrë
Richard Grenell, shefi i inteligjencës në administratën Trump

Richard Grenell, shefi i inteligjencës në administratën Trump, tashmë i zhveshur nga funksionet zyrtare, ka folur për jetën e tij personale.

Në një intervistë me Çim Pekën, Grenell tha se është larguar nga qeveria dhe po punon në sektorin privat në Ballkanin Perëndimor.

Ai deklaroi se është një djalë i thjeshtë nga Michigani, babai i të cilit ishte shitës makinash dhe mamaja i punonte në spital.

Ai tregoi se nuk vjen nga një familje e pasur dhe se shpreson që të mos bëhet kurrë politikan apo të garojë për një pozicion zyrtar.

“E di, unë jam thjeshtë një djalë nga Michigani. Kam lindur aty dhe jam rritur në Kaliforni. Babai im ishte një shitës makinash dhe mamaja punonte në spitalin e zonës. Kishin 4 fëmijë dhe besonin në Zot. Besonin se njeriu duhet t’i arrijë gjërat me punë. Nuk ishim të pasur, dhe nuk ishte problem. Nuk e dija se duhej të kishe para sepse kishim dashuri, një familje të përkryer. Unë jam thjeshtë një djalë nga Amerika që beson në ëndërrën amerikane. Shpresoj të mos jem kurrë politikan dhe nuk do të garoj kurrë për një pozicion zyrtar. Gjithsesi nuk i dihet, Zoti është nën kontrollin e jetës tënde. Megjithatë nuk e kam në plan të garoj. Përsa i përket diplomacisë, unë nuk do të doja të isha një diplomat karriere me kohë të plotë, por vetëm të merresha me problemet që mund të zgjidheshin. Kështu u bëra pjesë e qeverisë, solla përvojën tonë dhe kjo ishte e vetmja arsye pse u bëra pjesë e qeverisë, për të ju dhënë zgjidhje problemeve në një mënyrë të shpejtë”, theksoi Grenell./ B.A. – CNA.al





Lajmet e fundit nga