web counter
LEXO PA REKLAMA!

SHKARKO APP

App Store
Google Play

E fundit!

x

Kush ishte Isuf Kalo/ “Pioneri” i endokrinologjisë në QSUT

19 Janar 2023, 20:20, Aktualitet CNA

Kush ishte Isuf Kalo/ “Pioneri” i endokrinologjisë në QSUT

Ditën e sotme është ndarë nga jeta në moshën 80-vjeçare, profesori dhe mjeku i njohur, Isuf Kalo.

Lajmin për ndarjen nga jeta e konfirmoi ministrja e Shëndetësisë Ogerta Manastrirliu. 

Profesor Kalo ka lindur në vitin 1942 në qytetin e Tepelenës.

Studimet e tij i përfundoi në Fakultetin e Mjekësisë në Universitetin e Tiranës në vitin 1964.

Ai është konsideruar një nga pionerët e fushës së endokrinologjisë në Shqipëri.

Kalo u specializua në disa vende evropiane për diabetologji dhe endokrinologji dhe sëmundjeve metabolike në Fakultetin e Mjekësisë dhe në Spitalin Universitar të Tiranës.

Ai u emërua si Doktor i Shkencave Mjekësore, Profesor i Mjekësisë dhe u nderua me Çmimin Punëtor Shkencëtar i Dalluar i Shqipërisë.

Isuf Kalo në vitin 1985  ishte mjeku personal i Enver Hoxhës.

Nga vitet 1991 deri në 2004 ai u punësua nga Zyra Rajonale e Organizatës Botërore të Shëndetësisë për Evropën në Kopenhagë.

Më pas ai drejtoi Programin Evropian të Diabetit dhe më vonë Programin e Cilësisë së Sistemit Shëndetësor në Evropë.

Ai  shërbeu me dekada  në shërbimin e Endokrinologjisë në QSUT.

Mjeku i njohur  botoi një sërë librash në shtypin mjekësor të vendit të tij dhe jashtë saj.

Ai ishte  anëtar nderi i disa komiteteve ndërkombëtare dhe shoqatave mjekësore në Evropë./ CNA.al

 





Lajmet e fundit nga