web counter
LEXO PA REKLAMA!

SHKARKO APP

App Store
Google Play

Begaj “mesazh” partive politike/ "Të mos e shohin njëra-tjetrën si armike"

20 Janar 2023, 18:41, Aktualitet CNA

Begaj “mesazh” partive politike/ "Të mos e shohin

Presidenti i Shqipërisë, Bajram Begaj ka deklaruar se është koha që partitë politike në vend të gjejnë një gjuhë të përbashkët dhe të shmangin urrejtjen dhe mosmarrëveshjet.

Në intevistën e tij për “Zërin e Amerikës” ai i ka bërë thirrje të gjitha forcave politike të mos e shohin veten si armike, por si kundërshtar të bindjeve politike.

Zëri i Amerikës: Zoti President! Meqenëse edhe ju e përmendët fjalën tuaj në Parlament, ajo që kam vënë re është se në fjalimet tuaja të para ju i keni mëshuar shpesh nevojës që mes partive politike në Shqipëri të ketë dialog. Por në një vend si Shqipëri, ku përvoja tregon se politika është tejet e polarizuar, sa të vështirë e shihni që të arrihet ky paqtim mes forcave politike?

Presidenti Bajram Begaj: Në zbatim të funksionit tim si kryetar Shteti, dhe në respekt të Kushtetutës, unë do të jem mbi palët. Në çdo daljen time publike, edhe në Kuvend apo kudo, unë jam drejtuar me thirrjen që është koha që konfliktualiteti, gjuha e urrejtjes dhe e mërive partiake, opozicioni i fjalëve dhe jo i zgjidhjeve, fragmentarizimi i zgjidhjeve politike, duhet t’i mbeten të shkuarës. Është koha që të gjithë së bashku të punojmë për të ardhmen e këtij vendi, për të ardhmen e fëmijëve tanë. Duhet që të gjitha forcat politike të rigjejnë frymën e dialogut dhe të bashkëpunimit, ta shohin njëra-tjetrën jo si kundërshtarë apo armiq, por si kundërshtarë të bindjeve politike, me një mision dhe qëllim të përbashkët, përparimin e Shqipërisë./ VOA

 

 





Lajmet e fundit nga