“Rama mbrojti Rozetën e tij në Davos”/ Berisha i vendos emër të ri Vuçiçit

20 Janar 2023, 12:50, Aktualitet CNA

“Rama mbrojti Rozetën e tij në Davos”/ Berisha i

“Dënoj me ashpërsinë më të madhe, mbrojtjen që Edi Rama i bëri Putinit të vogël në Davos.

Parlamenti Europian, opinioni publik perëndimor është i revoltuar me qëndrimet e padronit të Edi Ramës ndaj sanksioneve ruse”.

Kështu është shprehur kreu i PD-së, Sali Berisha, në daljen e përjavshme para mediave.

Sipas tij, dy pyetje e shoqëruan padronin e Ramës në çdo panel dhe sallë në Davos: A është Putini një kriminel lufte dhe pse Serbia nuk respekton sanksionet e vendosura nga BE?

“Vuçiç faktoi se është një Putin i vogël. Pavarësisht nga barbaritë që ka kryer në Ukrainë, ai refuzoi të pranojë se Putini ka kryer krime lufte dhe është kriminel.

Sikundër justifikoi veten për sanksionet.

Por më e turpshme është avokatia që i bëri Edi Rama padronit të tij. Çfarë tha Edi Rama në panel? Me aq sa e kuptoj unë botën, nuk po e zëvendësojnë burimin e pistë rus nga burime prej demokracive të pastra vibruese?

Domethënia e kësaj është kjo: se bllokimi i gazit rus nga Europa është një gabim, se u zëvendësua me gaz nga vende të tjera.

Së pari, tregtia është tregti dhe një vend në luftë, që vret, normalisht që izolohet”, është shprehur Berisha.

Kreu i PD-së ka theksuar se Rama bëri avokatinë e Putinit në Davos.

“Së dyti, ky bën avokatinë e Putinit. Pse? Ana më pozitive, më kryesore e këtij konflikti është se Gjermania federale është shkëputur përfundimisht nga gazi rus.

Gjermania sot nuk merr asnjë metër kub gaz rus. Rezerva e saj është 100 për qind për nevojat e saj. Dhe ia la dopio gjashtën në dorë Rusisë. Këtë gaz e mori nga vende të tjera, por asnjë në luftë. Por jo nga agresorët.

Kjo është avokati ndaj Putinit. Kjo është një analizë e një vasali. Ia dhanë ta lexonte aty. Se ky nuk merr vesh nga gazi. E lexoi në Davos. Duke nxirë imazhin e Shqipërisë dhe të shqiptarëve. Për të mos thënë shprehjet që përdori në prani të kryeparlamentares së BE-së. Ku krahasoi një parlamentare të llojit të Alqi Bllakos, për të shfajësuar Rozetën.

Pra, për t’u mbrojtur për Rozetën e tij në Davos, u fut te karma, pa e ditur se çfarë është karma. Pa e ditur, se nuk ka konceptin kauzë-efekt.

Mjafton të përdorë një shprehje për t’i bërë qejfin një kategorie të caktuar dhe për të mbrojtur Rozetën e tij.

Nuk shkoi për shqiptarët, shkoi për të folur për Rozetën e tij”, është shprehur Berisha./CNA.al