Kanali mediatik/ Nga hallet e ndërtimeve te hallet e aksioneve

20 Janar 2023, 15:36, Aktualitet CNA

Kanali mediatik që pretendon se është “Big”, prej disa muajsh është kthyer në një media me shumë fytyra.

Nga një anë sulmon qeverinë, nga një anë i mban ison kryebashkiakut Erion Veliaj.

Për më tepër flitet se inatet nisën për disa halle. Kanali kishte halle, kanali mediatik “Big” kishte shumë halle.

Së pari, kishte hallet e shumë kateve pa leje te kulla “Eye of Tirana”.

Kanali mediatik/ Nga hallet e ndërtimeve te hallet e aksioneve

Kush nuk e di mund ta mësojë se aksionerët e kanalit mediatik kërkonin të mos sekuestroheshin nga shteti katet, por disa t’i merrnin aksionerët e kanalit. Kërciste druri në kanal se një tjetër hall ishte.

Diku te kinema “Mullennium’ duhet të ndërtohej një kullë dhe një pushtetar vendor premtonte.

Ky mund të jetë “lali” i Tiranës, por nuk e donte i gjati dhe kanali u inatos me të gjatin dhe filloi drurin. Më pas u bë fjalë edhe për shumë leje të tjera ndërtimi, pasi aksionerja e kanalit ka hapur një firmë për llaçe e tulla për të ndërtuar kulla.

Por nuk ishte vetëm kaq.

Kush e ka kuptuar ka rreth një javë që kanali mediatik e ka ndryshuar linjën, sepse vinte gjyqi.

Kanali mediatik kishte një hall, në një gjykatë shumë të lartë. Ndërhyn derisa u përmbys një proces. Për kanalin mediatik u përfshinë personazhe të rëndësishme.

Edhe pronarë emisionesh që i kanë ato me emrin e tyre, por edhe të botës së nëndheshme që janë sa afër “lalit” aq dhe afër të gjatit. Kanali mediatik kishte halle të mëdha.

Miliona euro me katet pa leje, aksionet, kulla e shumë të tilla, pa shkuar më pas te gjobat, pazaret që kanali tashmë i ka në modë dhe i përdor ditë e natë. Kanali do ta ndryshojë fytyrën shumë shpejt. Nuk do të keni më kanal opozitar, por do të keni kanal qeveritar.

Megjithëse nuk ka qenë kurrë një kanal i qytetarëve, por njëherë shante të gjatin, e këtej matanë bënte propagandën e “lali” Erit.

Hallet sipas atij që i zgjidh, kush paguan, kush jep lejen, kush zgjidh probleme në drejtësi është i mirë. Kush nuk na e var e kush nuk na lë të bëjmë çfarë të duam, është i keq. Ky është parimi që ka kanali “Big” ./CNA.al