web counter
LEXO PA REKLAMA!

SHKARKO APP

App Store
Google Play

E fundit!

x

“Të kërkon ministri...”/ Hoxha: Çfarë i tha Basha, Gardës pas vrasjeve të 21 Janarit?

20 Janar 2023, 19:21, Kronika CNA
“Të kërkon ministri...”/ Hoxha: Çfarë i tha
Ish-ministri i Brendshëm, Lulzim Basha

Gazetari Artan Hoxha ka publikuar mbrëmjen e sotme një audio-regjistrim të ish-kreut të Gardës së Republikës, Ndrea Prendit me vartësit e tij, ku është urdhëruar vrasja e protestuesve në 21 janar.

Hoxha tha se mes të tjerash, në audio-regjistrim dëgjohet që ministri i Brendshëm i asokohe, Lulzim Basha ishte duke kërkuar të komunikonte me njërin prej personave që ishte në këtë kanal radioje.

Në një intervistë me Thimi Samarxhiun, ai u shpreh se Basha nuk ka pasur mundësi të komunikojë drejtpërdrejt me personin e paidentifikuar dhe e ka bërë njoftimin nëpërmjet dikujt tjetër në radio.

Gazetari deklaroi se nuk e di se çfarë ka komunikuar më pas Basha me këtë person.

“4 të vrarët kanë ndodhur në një hark kohor shumë të shkurtër. 'Kujdes municioni', më kujton kur gardisti ndërron karikatorin dhe kërkon tjetër. Porta numër 2 është porta nga krahu i Bulevardit. Ai flet vetëm me drejtuesit sepse drejtuesit flasin pastaj me njësinë poshtë. Është si një lojë shahu. 206 i Tufanit, tek ky kod kam mundur ta deshifroj kush është pas tij. Kjo duhet bërë nga prokuroria. Pastaj kemi disa të panjohur që flasin me kode. Në fund kemi përmendjen e kodeve. Kemi fjalët ‘Të kërkon ministri’. Ai nuk ka pasur mundësi të komunikojë drejtpërdrejt me të, por ka kërkuar të flasë këtu. Se çfarë ka komunikuar Lulzim Basha nuk dihet. Ai duhet ti përgjigjet familjes së Aleks Nikës”, theksoi Hoxha./ B.A. – CNA.al





Lajmet e fundit nga