LEXO PA REKLAMA!

SHKARKO APP

Hoxha: Ndrea Prendi urdhëroi vrasjen e protestuesve, Basha kishte akses në kanalin e komunikimit

20 Janar 2023, 19:01, Kronika CNA
Hoxha: Ndrea Prendi urdhëroi vrasjen e protestuesve, Basha kishte akses
Gazetari Artan Hoxha

Gazetari Artan Hoxha ka publikuar mbrëmjen e sotme një audio-regjistrim të 21 janarit, ku dëgjohet komunikimi i ish-kreut të Gardës së Republikës, Ndrea Prendit me vartësit e tij.

Hoxha tha në një intervistë me gazetarin Thimi Samarxhiu se komunikimi i Prendit me vartësit është bërë në një kanal të veçantë radioje.

Ai theksoi se në këtë kanal ka pasur akses edhe Lulzim Basha, asokohe ministër i Brendshëm.

“Oficerët kanë qëlluar me urdhër, komandanti i Gardës Ndrea Prendi dhe Agim Lluko.

Audio që kam siguruar pas 12 vitesh, vërteton se vrasjet janë kryer me urdhër.

Komunikimi është bërë nga një kanal i veçantë radiojeje, ku aty nuk komunikonin e gjithë garda, por vetëm një pjesë, ku më vonë u quajt edhe “grupi i zjarrit”.

Në atë kanal radioje, ka qenë dhe drejtori i përgjithshëm i policisë së shtetit, dhe ministri i Brendshëm i asaj kohe Lulzim Basha”, u shpreh gazetari.

Hoxha nënvizoi se Prokuroria duhet t’i thërrasë një nga një të gjithë personat e përmendur në audio, së bashku me Lulzim Bashën, i cili duhet të tregojë se çfarë kanë komunikuar dhe çfarë ka dëgjuar./ B.A. – CNA.al

Lajmet e fundit nga