web counter
LEXO PA REKLAMA!

SHKARKO APP

App Store
Google Play

“21 Janari po përdoret në mënyrën më të poshtër”/ Gjokutaj: PS miratoi ligjin për përdorimin e armëve

21 Janar 2023, 20:08, Aktualitet CNA
“21 Janari po përdoret në mënyrën më të
Avokati Genc Gjokutaj

Avokati Genc Gjokutaj ka folur për ngjarjen e 21 Janarit dhe përgjimin e publikuar së fundi.

Gjatë një interviste për mediat, Gjokutaj ka kujtuar se ligjin për përdorimin e armëve e ka miratuar PS në vitin 1998.

Avokati gjithashtu riktheu në kujtesë momentin e goditjes së derës së Kryeministrisë me makinë, një nga momente që sipas Gjokutajt mund të përdoreshin të gjitha nenet sipas ligjit.

“Ai nuk është përgjim në kuptimin që njeh ligji. Personat që e servirin dyshoj se nuk e kanë idenë se çfarë është përgjimi çfarë përmban ai material dhe se si ka vijuar mekanizmi i 21 janarit atë ditë.

Kam lexuar sot në media zbardhjen e atij përgjimi. Po e marr të mirëqenë tekstin dhe del që Ndrea Prendi i thotë bëhuni gati dhe mbani armët që të qëlloni në ajër. Nëse në orën 12 e 30 mitingu i 21 janarit kanë filluar të mblidhen njerëzit para selisë së Kryeministrisë, forcat e Gardës kanë qenë aty që në orën 10, pasi protesta ka qenë e njoftuar.

Garda e ka me rregullore dhe e detyron ligji që para se të dislokohen në objektet të cilat mund të jenë objekt sulmi nga turma apo njerëz të armatosur, bëhet një instruktazh për formën dhe përshkallëzimin e përdorimit të mjeteve.

Ky ligj ka dalë në vitin 1998 të bërë nga PS me rastin e vrasjes së deputeti Azem Hajdari kur u sulmua Kryeministria pasi ishte për herë të parë dhe u konstatuar se ligji për përdorimin e armëve nga Garda kishte mangësi dhe ligjvënësit morën iniciativën dhe u hartua ky ligj që kemi sot.

Forca e Gardës së Republikës janë forca të tepër të trajnuara dhe e kanë të qartë rregulloren dhe përdorimin e armëve. Sipas rregullores, kur turma mësyn institucionin bëhet thirrja me megafon dhe nëse turma nuk reagon atëherë gjuhet në ajer me plumba manovër.

Policia atë ditë e ka lënë objektin dhe Kryeministria është ruajtur nga 80 gardistë. Makina e ujit nuk kishin ujë për të shpërndarë turmën, nga mbrapa Kuvendit mbusheshin shishet me molotov. Ajo që bën çudinë më të madhe është futja e një Mercedez Benzi që goditi derën e Kryeministrisë, kur në turmë nuk mund të fusje dot asnjë biçikletë.

Pra, goditja e Kryeministrisë me një automjet aty kanë qenë të gjitha nenet e ligjit për përdorimin e armëve për t'u zbatuar dhe aty Ndrea Prendi ka thënë mos qëlloni.

Duhet të kuptoni se në çdo 21 janar ka ndonjë lajm të tillë dhe si mjet elektoral nuk do mjaftonin vetëm homazhet por duhej edhe diçka pikante. 21 janari po përdoret në mënyrën më të poshtër të mundshme”, është shprehur Gjokutaj./ CNA.al ?





Lajmet e fundit nga