web counter
LEXO PA REKLAMA!

SHKARKO APP

App Store
Google Play

Tragjedia me 4 të vrarë dhe përfshirja e Lulzim Bashës/ Imeraj: Hetimet mund të nisin me provat e reja

23 Janar 2023, 09:12, Aktualitet CNA

Tragjedia me 4 të vrarë dhe përfshirja e Lulzim Bashës/

Për tragjedinë e 21 janarit kanë dalë në dritë prova të reja.

Gazetari Artan Hoxha ka publikuar së fundmi një audio-regjistrim, ku përfshihet edhe Lulzim Basha, si ministri i Brendshëm i asaj kohe.

Pas daljes në dritë të provave të reja sytë janë nga drejtësia.

Ish-drejtuesja e Prokurorisë së Tiranës, Elisabeta Imeraj, duke iu referuar audiopërgjimit të publikuar, ku ish-komandanti i gardës, Ndrea Prendi, komunikonte dhe u jepte urdhra vartësve të tij, ka thënë se çdo prokuror është i pavarur që të kryejë një hetim në lidhje me 21 janarin.

Në emisionin “Review” në "Euronews Albania", Imeraj u shpreh se kjo mund të realizohet, bazuar në ndryshimet e ndodhura në Kodin e Procedurës Penale.

“Me ndryshimet e ndodhura në Kodin e Procedurës Penale, çdo prokuror është i pavarur. Si i tillë, i lind edhe e drejta e një prokurori të pavarur, dje që kur ka dalë audiopërgjimi, që kryesisht të nisë një hetim dhe të thotë që në tërësinë e elementëve të ndodhur në këtë historinë e 21 janarit, ka mbetur pa u hetuar ai zinxhiri.

Nuk është e nevojshme të bëhet gjithë kjo ekspoze. Nuk ka pse t’i prezantohet publikut një drejtësi që mban peng një dosje. Ne nuk mund të themi që edhe në 2023-shin po na mbahen peng dosje”, theksoi ajo./CNA.al





Lajmet e fundit nga