web counter
LEXO PA REKLAMA!

SHKARKO APP

App Store
Google Play

Gati partia e Kokalarit/ Evis Angelakis merr apartament në Tiranë

23 Janar 2023, 10:05, Aktualitet CNA
Gati partia e Kokalarit/ Evis Angelakis merr apartament në Tiranë
Evi Kokalari Angelakis

Sulmet e fundit ndaj Partisë Demokratike dhe Belind Këlliçit qartazi kanë pasur një qëllim nga Evi Kokalari Angelakis.

Zonja e cila pretendon se është “pronare” e konservatorizmit dhe parimeve të tyre në Shqipëri, duke parë se nuk mund të merrte dot çfarë donte nga partia Demokratike apo nuk i ktheu dot në shërbetorë demokratët, tani po del me një lëvizje të re.

Pas sulmeve ndaj Belind Këlliçit duke i shërbyer kryebashkiakut Erion Veliaj dhe pas sulmve ndaj Partisë Demokratike dhe Berishës apo edhe opozitës duke i shërbyer qartazi kryeministrit Rama, Evi Kokalari tashmë po bën gati partinë e re.

CNA.al nga burime pranë Evit ka mësuar se partia do të quhet “Zgjim kombëtar”.

Dhe kjo parti po përgatitej që të hapej shumë shpejt, por mesa duket Kokalari e ka pasur të pamundur sigurimin e firmave për regjistrimin e saj.

CNA.al gjithashtu ka mundur të sigurojë informacione se Evi Kokalari-Angelakis ka kërkuar të mbledhë firmat e nevojshme, por ende nuk i ka ato.

Pasi duhet një numër i caktuar firmash për t’u regjistruar si subjekt politik në KQZ.

Kokalari-Angelakis, partinë donte ta regjistronte menjëherë për ta pasur në zgjedhjet lokale si subjekt politik dhe për këtë ajo ka siguruar edhe një apartament për të jetuar në Tiranë, në një nga kullat luksoze të kryeqytetit, ndërtuar nga biznesmenët e mëdhenj pranë kryebashkiakut Erion Veliaj.

Gjithashtu konservatorja Angelakis shpesh është parë të negociojë me disa nga bankat kryesore në vend për të justifikuar paratë për blerjen e këtij apartamenti, të ardhurat për blerjen e të cilit ende janë të paqarta.

Kokalari në krah të saj ka edhe dy-tre elementë, njëri prej të cilëve është avokati Altin Goxhaj, një njeri me parime të vërteta konsevartore dhe që ka qëndruar shpesh në oponencë me Lulzim Bashën dhe Partinë Demokratike dhe me njerëzit e SOROS-it, por edhe me eksponentë të tjerë të PD-së, si Edith Harxhi, Edvin Kulluri apo kritikë të tjerë të Berishës brenda Partisë Demokratike.

Gati partia e Kokalarit/ Evis Angelakis merr apartament në Tiranë
Edith Harxhi

Nuk dihet nëse këta do t’i bashkohet Partisë së re të Kokalarit, apo do të qëndrojnë brenda PD-së. Ndërsa rasti i Altin Goxhajt është krejt ndryshe. Ai hyn tek eksponentët gjithmonë kritikë të qeverisë, një opozitar i pandalshëm.

Ndërsa nga ana e saj Kokalari duket që me aktet politike më shumë sesa në kundërshtim me qeverinë po përgatit një subjekt politik për të ndihmuar jetëgjatësinë e Ramës në pushtet, gjoja me pretendimin se ajo është konservatore dhe e djathta e vërtetë në Shqipëri./CNA.al





Lajmet e fundit nga