LEXO PA REKLAMA!

SHKARKO APP

Evi Kokalari pasi e zhgënjeu PD, në dilemë: Kongresmene në Amerikë apo të ndryshojë Shqipërinë

30 Dhjetor 2022, 16:46, Aktualitet CNA
Evi Kokalari pasi e zhgënjeu PD, në dilemë: Kongresmene në
Evi Kokalari

Evi Kokalari apo Evi Angelakis, ose Evis Kokalari, iku nga Shqipëria e zhgënjyer nga demokratët.

Pasi sulmoi kreun e PD-së Sali Berisha dhe një sërë eksponentësh të së djathtës që e kishin zhgënjyer, Evi Kokalari së fundmi na është futur në dilemë.

Aktivistja që e mban veten për konservatore, ka një hall të madh, të përtypë zhgënjimin dhe të hyjë në politikën shqiptare apo të garojë për kongresmene në Amerikë.

Këto dilema, Kokalari na i ka shprehur me ca mendime fundviti në rrjetet sociale, ku thotë se e ka të vështirë të vendosë.

“Po përtyp një kthim në politikën Shqiptare, dhe kur them kthim, flas 100% angazhim.

Në fakt, mbas zgjedhjeve të Nëntorit në Amerikë, kam debatuar shumë nëse duhet të vazhdoj dhe të përgatitem për t’ju futur një gare për Kongres, apo të kthehem në Shqipëri me qëllimin për të bërë një ndryshim rrënjësor në politikë atje.

Të zgjedhësh midis këtyre të dyjave nuk është e thjeshtë, sepse ne rradhë të parë Kongresi nuk është vetëm më prestigjoz, por dhe më interesant si eksperiencë, dhe nuk ka nder më të madh se ti shërbej një vendi që më ka dhënë cdo mundësi në jetë për të arritur këtu ku jam”, shkruan ajo.

E pavarësisht këtyre dilemave të mëdha, Kokalari sërish ka sulmuar PD-në, duke na shpalosur zhgënjimin e saj.

“Nëse vendos përfundimisht të kthehem në Shqipëri, them se mund të bëj një punë që do ketë një impakt shumë më të fortë se ajo në Kongresin Amerikan.

Kam kohë që them se “Shqiperia bëhet”, dhe shpresat i kisha të shumta tek PDja, derisa m’u desh të përballesha disa herë me manipulimet brenda pushtetit të partis vetë. Zhgënjimin tim tashmë e dini të gjithë”, vijon ajo më tej.

Teksa flet për rikthim, kur ka lajmëruar disa herë se do të shkëputet përfundimisht nga politika në Shqipëri, Kokalari na thotë se nëse do të vijë, do të na sjellë ndihmë nga republikanët.

"Dhe nëse përfundimisht kthehem, do të filloja një fushatë disa vjeçare, ashtu siç di dhe kam mësuar nga fushatat e Trumpit dhe të Kongresmenëve këtu. E gjithë Shqipëria është sa katër zona elektorale Amerikane. Duke sjellë ndihmë me vete nga Partia Republikane, kam idenë, që mund t’ja dalim të ndryshojmë qeverinë, mentalitetin e politikës Shqiptare dhe si rrjedhojë Shqipërinë!”, shkruan aktivistja.

Në fakt, Shqipëria ka nevojë shumë për Evin, por ne besojmë që më shumë ka nevojë Amerika. Se Shqipëria më keq s’ka ku shkon, ndërsa Amerika është e madhe se gjen gjë nga budadallëqet politike të Evit e Co.

Vetëm kemi hallin e këtyre kongresmenëve të Evit në Tiranë mos mërziten se të tjerat rregullohen./ B.A. - CNA.al

Lajmet e fundit nga