LEXO PA REKLAMA!

SHKARKO APP

Ministrja skandaloze e Ramës, ushtri për propagandë në media

29 Dhjetor 2022, 20:35, Aktualitet CNA
Ministrja skandaloze e Ramës, ushtri për propagandë në media
Frida Krifca, ministrja e Bujqësisë

Frida Krifca, ministrja e Bujqësisë, e njohur për skandalet e saj në artikulimet publike, ka krijuar një “bandë” mediatike, duke marrë gati 30 vetë, thjeshtë dhe vetëm për t’i ruajtur imazhin.

Ata janë gazetarë të mediave të ndryshme, njerëz që bëjnë dhe një punë të dytë, por si primare kanë imazhin e Frida Krifcës, imazhin e ministres që do na bënte akademinë e çobenjve dhe karikim me wireless për tabletin e tyre, që ata të menaxhonin më mirë delet dhe dhitë në majë të malit, kur shqiptarët nuk kanë bukë të hanë dhe nuk kanë internet edhe afër qendrave të disa qyteteve që janë në veri të vendit.

Pa shkuar më tej te deklarata e fundit për vajin e ullirit, ku Frida Krifca ndoshta është e vetmja ministre në botë, nuk e gjen ndoshta as në Uganda, apo as Tanganika, apo as në vendet më të humbura të botës, që të thotë se mbiprodhimi i ullirit është një problem i madh dhe është faj politik që Sali Berisha ka mbjellë pa kritere ullinj.

Vetëm një i çmendur mund ta thonte këtë fjalë. Ulliri nuk është produkt që skadon. Është mirë dikush  nga këta të propagandës, apo “tufa e të mençurve” që mban rreth e rrotull, t’ja mësojnë ministres. Vaji shkon me dekada, mjafton të ruhet në ambjente të mira dhe të ambalazhohet shumë cilësisht dhe duke parë çmimet e tregjeve, ndoshta të rajonit, Shqipëria do të ishte në këto tregje ndoshta me çmim konkurues.

Për këtë duhet të ndërhyjë Qeveria, ministrja, të subvencionojë, të mbështesë, të ndërhyjë për standardizim, apo edhe marrëveshje me vendet e rajonit, me Maqedoninë e Veriut, me Kosovën për produktet, për eksportin e vajit shqiptar, apo ndërhyrjet dhe ndihmesën për ta edukuar prodhuesin e vajit të ullirit që mund ta eksportonte direkt si produkt edhe pa e përpunuar.

Pra, Frida e një mijë e një bëmave, skandaleve dhe gjëmave, më shumë se sa të merret me fotografi në rrjete sociale, duhet të merret me budallallëqet që nxjerr nga goja, që i ka pamata, pa hyrë këtu tek bëmat dhe gjëmat e saj në lidhje me pronarët e inceneratorëve në Shqipëri dhe fondet që u ka dhënë kur ka qenë në krye të AZHBR-së. Por kjo është një tjetër histori që është thënë dhe stërthënë.

Gjithsesi, kemi një ministre Bujqësie që më shumë se sa i kushton rëndësi punës që të merret me fermerët, me prodhimet vendase, me standardizimin e tyre, me reklamimin e tyre dhe t’ju shërbejë si ministre fermerëve dhe bujqësisë e produkteve shqiptare, ajo i shërben propagandës së saj, duke mbledhur 30 vetë për të ruajtur imazhin, të cilin sado përpiqet ta korrigjojë, del e i “këput nga një mufkë” dhe i hedh të gjitha në kosh të plehrave sepse do thuash aq sa di, jo më shumë, sado ta kurosh imazhin.

Goja thotë atë që di mendja dhe kur mendjen e ke ndoshta të papërgatitur mirë për punën e detyrën që ke, qyfyret fillojnë dhe nuk ndalen./ CNA.al

Lajmet e fundit nga