LEXO PA REKLAMA!

SHKARKO APP

Afera me inceneratorin e Fierit/ Apeli rrëzon kërkesën e biznesmenit

29 Dhjetor 2022, 13:14, Aktualitet CNA

Afera me inceneratorin e Fierit/ Apeli rrëzon kërkesën e

Apeli i Posaçëm Kundër Korrupsionit dhe Krimit të Organizuar ka rrëzuar kërkesën e biznesmenit Arben Dervishaj për zbutje të masës së sigurisë.

Për Dervishajn, i cili akuzohet se paraqiste raporte fiktive në ministritë e linjës, ka mbetur në fuqi masa e sigurimit arrest me burg caktuar nga Shkalla e Parë.

Dervishaj është arrestuar për llogari të inceneratorit të Fierit, pasi kishte rolin e mbikëqyrësit të punimeve.

Sipas SPAK-u, Arben Dervishaj, në cilësinë e mbikëqyrësit të punimeve të inceneratorit të Fierit, i cili ka miratuar dhe më pas dorëzuar në institucionet shtetërore raportet për punime fiktive të shoqërisë, për shërbime që nuk janë kryer dhe pajisje që nuk janë realizuar sipas kontratës.

Gjithashtu, Arben Dervishaj ka marrë përfitime të parregullta nga Klodian Zoto, aksioner kryesor i inceneratorit, përfitime të udhëtimeve të tij private, biletave avioni, qëndrimet në hotele dhe të biletave të ndeshjeve të futbollit në stadium në Itali. Zoto me administratorët e inceneratorit kanë përdorur një skemë fiktive të kryerjes së pagesave, për të mbuluar dhe fshehur natyrën e vërtetë të origjinës së shumave monetare.

Në fillim të këtij, muaji, SPAK-u mbylli hetimet për inceneratorin e Fierit dhe dërgoi në gjykatë dosjen e me 21 të pandehur, mes tyre Lefter Kokën, ish-deputetin Alqi Bllako, Arben Dervishaj etj.

Në pranga përfunduan Regan Merdani, Robert Shabani, Gentian Zifla dhe Enver Sheshi, ndërsa në kërkim janë Arber Denizi, Juri Ymeraj, Silvester Dreza, Arjola Kodra, Luran Dusha dhe Giuseppe Ciaffaglione./CNA.al

Lajmet e fundit nga