web counter
LEXO PA REKLAMA!

SHKARKO APP

App Store
Google Play

E fundit!

x

Konfirmohet abuzimi i aferës së shekullit/ Inceneratori i Fierit i papërfunduar prej dy vitesh

8 Shkurt 2022, 16:20, Aktualitet CNA

Anëtarët e Komisionit Hetimor për Inceneratorët kanë zbritur në terren për të parë nga afër  inceneratorin e Fierit, për të cilin janë dhënë nga qeveria shqiptare 28 milionë euro.

CNA.al ka denoncuar me fakte dhe prova atë që është cilësuar si afera korruptive e shekullit, ndonëse qeveria vijon ti bëjë ?bisht? hetimit të plotë të saj.

Nga opozita si përfaqësues në terren kanë qenë Lefter Gështenja dhe Dhurata Çupi, ndërsa nga mazhorananca ka qenë Antoneta Dhima, Arben Pëllumbi, Ermonela Felaj dhe Eduart Shalësi.

Përfaqësuesit e mazhorancës po tentojnë tu hedhin ?hi syve? shqiptarëve duke thënë se inceneratori në këtë vend ekziston dhe është funksional, ndërsa justifikohen se makineritë janë në fazë kolaudimi.

Deputeti i PD Lefter Gështenja u shpreh se e vërteta është ndryshe nga sa “shitet” dhe sipas tij inceneratori në Fier nuk është funksional.

” Nuk është kjo arsyeja pse ne vijmë këtu, por vijmë këtu se nga të dhënat na është thënë se ky objekt funskionon, por e vërteta është krejt ndryshe, këtu nuk funksionon ky objekt. Ne kemi kërkuar dokumente por nuk na i keni dorëzuar në Kuvend. Dakord ky objekt mund të jetë ndërtuar por ky objekt nuk është vënë në punë, nuk është përpunuar asnjë ton mbetej. Këtu në këtë konratë kanë ngelur 45 milionë euro, të gjitha paratë e tjera janë marrë nga buxheti i shtetit. Thuhet se paratë janë marrë por impianti nuk po bën asnjë punë“, tha Gështenja.

Në të njëjtën linjë ishte edhe Dhurata Çupi, e cila tha se për këtë incenerator janë harxhuar 28 mln euro nga buxheti i shtetit.

?Objekti nuk punon, nuk është funksional. Depozita e mbetjeve është bosh. Kontrata është lidhur në 2016, duhet të përfundonte në 2019 dhe jemi në 2022. Shikoni, po përpunohet sot. Verifikohet qartë ajo që ka denoncuar opozita?, deklaroi Çupi.

Por në muajin tetor 2020, kryeministri Edi Rama deklaroi se në dhjetor 2020 inceneratori i Fierit do përfundojë.  ?Fieri përfundon në Dhjetor. Ka pasur 1 vit e gjysmë vonesë jo për shkak të investitorit, por për shkak të palës sonë, sepse ishin protestat, bllokimet, përpjekjet për t?iu thonë që ore jeni në vete, këtu po vihet që të shpëtoni ju. Është ndryshuar vendi dy herë dhe kjo nuk është e investitorit, por këto nuk i di kjo?, tha Rama.

Sot jemi në vitin 2022 dhe inceneratori ende nuk ka përfunduar. Përfaqësuesit e PS u shprehën makineritë janë në proces kolaudimi, që do të thotë se investimi ende nuk ka përfunduar edhe pse kanë kaluar gati 2 vite nga premtimi i Ramës. Inceneratori duhet të kishte përfunduar sipas kontratës në vitin 2020 duhet të kishte filluar punë. Pas dy vitesh inceneratori nuk punon.

Koka e inceneratorit të Fierit Klodian Zoto është shpallur në kërkim nga SPAK./E.K-CNA.al

Foto lajm/ Ku është inceneratori?

Afera korruptive e inceneratorëve në ngërç procedural/ Nuk miratohet plani i hetimit

Inceneratorët, afera korruptive që do mbyllet me procedurë si krimet e Lulzim Bashës

51 fakte dhe dokumente për aferën e inceneratorëve

Milionat për inceneratorin nuk e shpëtojnë Fierin nga reja ?toksike? e mbetjeve që digjen





Lajmet e fundit nga