E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

"I thashë të ikte”/ Avokati i Tahirit tregon prapaskenat e gjyqit, çfarë ndodhi në dhomën e këshillimit

8 Shkurt 2022, 09:23, Aktualitet CNA

Avokati i ish-ministrit të Brendshëm Saimir Tahiri, Maks Haxhia, thotë se klienti i tij është i pafajshëm dhe vendimi i dhënë nuk është në bindjen e trupës gjykuese.

I ftuar në emisionin Opinion në Tv Klan, Haxhia tha se gjithçka ka ndryshuar në dhomën e këshillimit, kur gjyqtarët u tërhoqën për të marrë vendimin.

?Në gjithë materialin e dosjes nuk kishte asnjë provë që të vërtetonte çdo lloj akuze. Pse do ta dënonte? Këtë pyetje ja kemi bërë vetes. Unë them që ky vendim nuk është rrjedhojë. Në parantezë, të 3 ata gjyqtarë janë shumë të mirë, e njihnin dosjen në detaje, por vendimi nuk është i bazuar në atë çka ata e kanë bindje. Për mua ka ndodhur diçka në momentin që janë mbledhur në dhomën e këshillimit. Unë mendoj që atje ka ndodhur diçka. Unë nuk jam profeti, por unë analizoj”.

“Ne prisnim maksimumi të ishte vendimi që u dha në Shkallën e Parë, me shërbimin e provës, por unë mendoj dhe jam i bindur, dhe e kam të provuar se ata që ndikuan, i dolën të keqes përpara. Nuk e di kush ka ndikuar. Ky trup gjykues nuk shprehu vullnetin deri në fund. Gafa më e madhe që është bërë në këtë proces është që kur bën ankim i pandehuri dhe nuk ka ankim të palës tjetër, gjykata nuk mund të rëndojë pozitën e të pandehurit. Prokuroria kërkoi 12 vjet për 3 akuza për të cilat ishte dhënë pafajësia nga Gjykata e Shkallës së Parë. Ankimi në apel nuk është bërë fare për veprën penale të shpërdorimit të detyrës?, deklaroi ndër të tjera avokati Maks Haxhia.

Avokati i Saimir Tahirit ka zbuluar bisedën që pati me ish-ministrin e Brendshëm teksa po prisnin që Apeli i GJKKO të jepte vendimin.

I ftuar në studion e emisionit Opinion në Tv Klan, avokati tregoi se i kishte sugjeruar klientit të tij Saimir Tahiri që mund të shkonte në shtëpi nëse dëshironte. Por sipas tij, ish-ministri kishte refuzuar që të largohej.

?I kam thënë kështu, që, Saimir këta po shoh që kanë organizim të veçantë dhe persona që s?ishin të zakonshëm në vendimmarrje. Prandaj nëse do të ikësh të marrësh masa, që të vesh në shtëpi të përgatitesh, mund të shkosh. Më tha mua, unë jam përgatitur me kohë që kur fillova luftën. Ai ma ka bërë të qartë që unë nuk i lëviz vendimit. Unë i thashë ik në shtëpi që të përgatitësh ata të shtëpisë që dhe të përgatitesh për të bërë ekzekutimin, sepse nuk e imagjinoja kurrë që të devijohej vetëm për Saimir Tahirin dhe të bëhej ekzekutimi menjëherë pas vendimit?.