LEXO PA REKLAMA!

SHKARKO APP

Qeveria nuk i dha shpërblimin e fundvitit/ Revoltohen mjekët e familjes, nënshkruajnë peticion

28 Dhjetor 2022, 19:03, Aktualitet CNA
Qeveria nuk i dha shpërblimin e fundvitit/ Revoltohen mjekët e
Foto ilustruese

Mjekët e familjes nuk kanë marrë shpërblimin e fundvitit dhe për këtë arsye kanë filluar të nënshkruajnë një peticion.

Këtë e ka bërë të ditur eksperti i Shëndetit Publik, Erion Dasho, i cili ka reaguar ashpër ndaj kryeministrit Edi Rama.

Në një status në rrjetet sociale, Dasho deklaron se mosdhënia e shpërblimit e bën mosbesues ndaj Ramës për premtimin se pagesa e mjekëve do të bëhet në bazë të performancës.

“Sot mjekët e familjes janë duke nënshkruar një peticion sepse nuk kanë marrë shpërblimin e fundvitit. Pjesa më e madhe e këtij shpërblimi vjen nga të ardhurat e qendrave shëndetësore (të ardhurat dytësore të krijuara në sajë të autonomisë dhe të menaxhuara teorikisht nga vetë qendra shëndetësore) dhe shpërndahet sipas performancës.

A mund t'i besohet Boratit që deklaroi para pak ditësh se edhe spitalet do të përfitojnë autonomi dhe mjekët e spitaleve do të paguhen sipas performancës??!!”, shkruan ai./ B.A. – CNA.al

Qeveria nuk i dha shpërblimin e fundvitit/ Revoltohen mjekët e

Lajmet e fundit nga