web counter
LEXO PA REKLAMA!

SHKARKO APP

App Store
Google Play

E fundit!

x

Akuzohet për mashtrim/ Përfundon në pranga drejtoresha e Mjedisit në Bashkinë e Tiranës

28 Dhjetor 2022, 11:38, Aktualitet CNA
Akuzohet për mashtrim/ Përfundon në pranga drejtoresha e Mjedisit
Foto ilustruese

Drejtoresha e Mjedisit në Bashkinë e Tiranës, Viola Sterjo, ka përfunduar në pranga pasi akuzohet për veprën penale “Mashtrim”.

Sterjo është arrestuar, pasi nga hetimet e kryera ka rezultuar se në periudhën mes muajit mars dhe nëntor të vitit 2020 ,përmes mashtrimit dyshohet se ka përfituar një shumë të konsiderueshme monetare, me qëllim ndikimin e saj në institucione shtetërore, që qytetarë të ndryshëm të përfitonin fonde monetare nga shteti.

"Specialistët për Hetimin e Krimit Ekonomik-Financiar në DVP Korçë, në bashkëpunim me specialistët e Seksionit të Kërkimit në DVP Tiranë, bënë ekzekutimin e urdhrit të Prokurorisë për ndalimin e shtetases V. S., 39 vjeçe, banuese në Tiranë.

Ndalimi i saj u bë pasi, Gjykata e Shkallës së Parë Korçë, me vendimin e datës 26.12.2022, ka caktuar për këtë shtetase masën e sigurisë 'Arrest në burg', për veprën penale 'Mashtrimi', me pasoja të rënda. Nga hetimet e kryera rezulton se në periudhën mars-nëntor 2020, nëpërmjet mashtrimit, V. S., dyshohet se ka përfituar në qytetin e Korçës, një shumë të konsiderueshme monetare, me qëllim ndikimin e saj në institucione shtetërore, që qytetarë të ndryshëm të përfitonin fonde monetare nga shteti.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme", njofton policia./ CNA.al 





Lajmet e fundit nga