web counter
LEXO PA REKLAMA!

SHKARKO APP

App Store
Google Play

Vrasja e Brilant Martinajt/ Gazetari bën deklaratën e fortë: Autorët mund të kenë pasur mbështetje nga policia

27 Dhjetor 2022, 22:01, Aktualitet CNA

Vrasja e Brilant Martinajt/ Gazetari bën deklaratën e fortë:

Gazetari Elkier Bashkolaj ka bërë një deklaratë të fortë lidhur me vrasjen e Brilant Martinajt.

Ai u shpreh se ai ishte një atentat terrorist dhe shtoi se akte të tilla bëhen vetëm në rast se autorët kanë pasur mbështetje nga struktura të brendshme të policisë.

“Vrasja e Aleksandër Sadikaj dhe të Edmon Papës, dy ngjarje që kanë lidhje me njëra-tjetrën dhe pason edhe me një zinxhirë vrasjesh të ndodhura në Athinë. Janë ekzekutuar 5 shqiptarë në Athinë për dy muaj , supozohet për prishje pazaresh droge. Autoritete shqiptare kanë nisur letër porosi drejt Greqisë dhe po kërkojnë më shumë informacione.

Vrasja e Sadikajt, njëjtë si e Brilant Marinajt mund të konsiderohen si akte terroriste për nga dinamika dhe zona ku janë kryer. Dy personat që kanë qenë në makinë me Brilantin, nuk kanë qenë pjesëtarë të grupit të Martinajt, janë thjeshtë banorë të Mamurrasit dhe janë kontaktuar nga Brilanti deri në destinacion.

Masat e sigurisë në familjen Martinaj kanë qenë shumë të forta dhe nuk nisin te muri rrethues, por tek mbikalimi i Laçit. Është ndër rastet e pakta që Martinaj ka dalë i pashoqëruar nga persona të afërt të tij dhe ka qenë më i ekspozuar për atentat, që të çon tek pista që kanë pasur informacion nga brenda për lëvizjen e tij.

Është një mesazh i fortë për Ervis Martinajn, sepse Fushë-Kruja dhe Fushë-Kuqja janë shumë pranë… ajo që të bën përshtypje është fakti se vrasje të tilla bëhen vetëm nga forca komando dhe grupe që kanë struktura financiare të fuqishme për ti realizuar.

Për të bërë një vrasje të tillë është rrezikshmëria, mundësia që t’i të kapesh nga policia. Vrasje të ngjashme të këtij kalibri bëhen kur ka informacion shtesë për vendosjen e policisë në patrulla po në zonë. Aludimi im është që autori i këtyre vrasjeve mund të kenë pasur mbështetje nga struktura të brendshme të policisë”, tha ai./CNA.al





Lajmet e fundit nga