LEXO PA REKLAMA!

SHKARKO APP

Veliaj tregon aktivitetet/ Çfarë do të ndodhë në Tiranë natën e ndërrimit të viteve

27 Dhjetor 2022, 21:50, Aktualitet CNA
Veliaj tregon aktivitetet/ Çfarë do të ndodhë në
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj ka treguar aktivitetet që do të zhvillohen në kryeqytet natën e ndërrimit të viteve.

Veliaj tregoi në emisionin “Rudina” se çdo natë do të kemi disa artistë që do të mbajnë koncerte në Tiranë derisa të shkojmë në natën e ndërrimit të viteve.

Ai tregoi se do të ketë edhe një spektakël fishekzjarresh të koordinuara me muzikë.

“Ne filluam një sprint koncertesh. Kishim koncertin e Krishtlindjeve që patëm në vigjiljen e Krishtlindjeve. Kemi pasur Eugent Bushpepën, kemi pasur Fifin, Lindi dhe Venera, domethënë çdo natë do të kemi disa artistë derisa të shkojmë në natën finale ku do të kemi prapë një grup artistësh dhe besoj që surpriza për fëmijët siç ishin zbukurimet këtë vit me planete dhe gjithësinë, do të jenë fishekzjarret.

Kemi një spektakël fishekzjarrësh të koordinuara me muzikë sepse unë vërtet besoj që përtej gjithë vështirësive, ashtu si në shtëpi kur kemi një situatë të vështirë, fëmijëve mundohemi që mos t’i biem në sy që po kalojmë një sfidë. Unë besoj që për fëmijët vërtet duhet të rezervojmë një fund viti plot me shkëlqim e me xixa, sidomos për t’iu dhënë një mesazh që i kemi kaluar vështirësitë bashkë, në mot do jetë më mirë. Thoshin gjyshet tona, mendo mirë që të bëhet mirë dhe dua që ta mbyllim me një mendim të mire”, u shpreh ai./ B.A. – CNA.al

Lajmet e fundit nga