web counter
LEXO PA REKLAMA!

SHKARKO APP

App Store
Google Play

E fundit!

x

Situata në veri të Kosovës/ Mediu: Të thirret sa më parë Këshilli i Sigurisë Kombëtare

27 Dhjetor 2022, 12:32, Aktualitet CNA
Situata në veri të Kosovës/ Mediu: Të thirret sa më
Foto ilustruese

Kreu i Partisë Republikane, Fatmir Mediu, ka komentuar në lidhje me tensionet në veri të Kosovës, duke bërë thirrje që të mblidhet sa më parë Këshilli i Sigurisë Kombëtare.

Mediu nënvizon se Shqipëria nuk mund të mbajë këtë pozicion të papranueshëm në lidhje me situatën në Kosovë, duke theksuar se vendosja e mbi 5000 trupave serbe në kufi me Kosovën është agresion ushtarak, njësoj si Rusia me Ukrainën.

Sipas Mediut, Serbia dhe Vuçiçi po ndjekin qartësisht udhëzimet e Rusisë dhe Putinit për të realizuar qëllimet e tyre në Ballkan si dhe për të krijuar një konflikt në rajon, pjesë e strategjisë së deklaruar të Rusisë.

“Të thirret sa më parë Këshilli i Sigurisë Kombëtare.

Shqipëria nuk mund të mbaj këtë pozicion të papranueshëm në lidhje me situatën në Kosovë:

Vendosja e mbi 5000 trupave Serbe në kufi me Kosovën me gjthë mjetet luftarake është qartësisht agresioni ushtarak, është e njëjta sjellje si e Rusisë me Ukrainën.

Çfarë duhet të ndodh më që të mblidhet Këshilli i Sigurisë Kombëtare.

Presidenti i Republikës, pavarësisht se Këshilli ka kohë që ka dalë nga funksioni i tij Kushtetues duhet ta thërras urgjent atë dhe të përcaktojë detyrimet e qeverisë, shërbimeve inteligjente dhe atyre diplomatike për këtë situate.

Çfarë duhet të presi Kryeministri, që ta shtrojmë këtë çështje dhe situatë urgjentisht në NATO?

Konsultimi dhe kordinimi me vëndet e tjera të NATOS në Ballkan është domosdoshmëri, sepse jo vetëm situata në Kosovë, por dhe ajo në BiH, në Malin e Zi dhe shpenzimet ushtarake të Serbisë me mbështetjen e Rusisë dhe Kinës, janë tashmë një shqetësim real për vendet e Ballkanit, por dhe për aleatët tanë

Në bashkëpunim me SHBA dhe vëndet e tjera partnere duhet kjo çështje të shtrohet në Këshillin e Sigurimit të OKB.

Serbia dhe Vuçiç po ndjekin qartësisht udhëzimet e Rusisë dhe Putinit për të realizuar qëllimet e tyre në Ballkan si dhe për të krijuar një konflikt në rajon, pjesë e strategjisë të deklaruar të Rusisë”, shkruan Mediu./ CNA.al

 





Lajmet e fundit nga