web counter
LEXO PA REKLAMA!

SHKARKO APP

App Store
Google Play

E fundit!

x

Fati i Ervis Martinajt/ Eksperti i kriminalistikës vë Policinë me shpatulla pas murit

27 Dhjetor 2022, 10:40, Aktualitet CNA

Fati i Ervis Martinajt/ Eksperti i kriminalistikës vë Policinë me

Një ditë më parë RENEA dhe FNSH bënë kontrolle në shtëpinë e Ervis Martinajt në Fushë-Kuqe.

Sipas ekspertit të kriminalistikës, Artan Rexhepi, ky kontroll ishte shumë i vonuar.

Rexhepi ka folur edhe për municionin e gjetur në shtëpinë e Martinajt që sipas tij ishte armë jokualitative, kineze.

“I bie ose të ketë qenë maniak armatimi. Të thuash se ishte një njeri që merrej me shitje fishekësh, edhe kjo nuk të bind. Janë veprime të vonuara të policisë. Nëse e shohim me sy kritik, e kam thënë se nëse Ervis Martinaj është viktimë më tepër duhet të merremi me autorin dhe jo me klanin e viktimës”, është shprehur Rexhepi përballë gazetarit Andi Kapxhiu.

Ai ka folur edhe për versionin e përgjimit, dhe zhdukjen e Martinajt.

“Duket sikur ai është eliminuar dhe gjërat po serviren hap pas hapi. Ose flitet për një përgjim të hapur, profesionalisht mund të them që nëse është kapur ai përgjimi që thonë, jam i sigurt se Ervis Martinaj ka qenë diku aty. Nuk i ndalon njeri të krahasojnë zërin dhe mund të dalin me deklaratën që Ervis Martinaj është gjallë. Nuk është nevoja të shkojnë forcat aty. Duhet të ketë të njëjtin intensitet si ndaj viktimës si ndaj autorëve. Kjo mund të ketë qenë edhe një përbaltje që shiko se çfarë mbante ky person në shtëpi”, është shprehur më tej Rexhepi.

Sipas ekspertit të kriminalistikës, në rastin e Martinajt është në pikëpyetje dinjiteti i shtetit.

Rexhepi propozon ngritjen e një grupi hetuesish të posaçëm për të zbardhur këtë enimgë të zhdukjes së biznesmenit.

“Ka edhe ngarkesë politike. Vetë fakti që kryeministri i la afat drejtorit të policisë tregon që kjo ngjarje mbart ngarkesa politike. Është në diskutim dinjiteti i shtetit, nuk duhet të ketë të pakapshëm. Jo për faktin se nuk dinë kuadrot tanë të punojnë, por ai ka pasur bashkëpunëtorët e vet dhe ai ka luajtur në shumë forma, me kërcënime etj. Për të hequr të gjithë dritëhijet është mirë që shteti të tregojë autoritetin e vet. Kryeministri siç i la detyrë drejtorit të përgjithshëm të policisë, mund të caktonte një shumë të caktuar dhe t’i thoshte që të merrte personat e caktuar për të hetuar. Ose të pajtohet një grup ndërkombëtar hetuesish”, ka thënë më tej Rexhepi./CNA.al





Lajmet e fundit nga